વાઘોડિયારોડ પર મળસ્કે ગણેશજીના પંડાલને નુકસાન

વાઘોડિયારોડ પર ગણેશજીના પંડાલને નુકસાન કરવામાં આવતા સ્થાનિક રહીશોમાં ભારે રોષ છે.
બાપોદ તળાવ પાસેની ધીરજ સોસાયટીમાં રહેતા પ્રદીપસિંહ દિલીપસિંહ ઓરીયાએ બાપોદ પોલીસ સ્ટેશનમાં અરજી આપી જણાવ્યું છે કે, મારા ઘર નજીક ભારતસમાજ સોસાયટી પાસે શ્રી ગણેશજીનો પંડાલ બાંધ્યો હતો. ત્રણ દિવસ પહેલા મળસ્કે ચાર વાગ્યે ટુ વ્હીલર પર આવેલા ત્રણ અજાણ્યા લોકોએ પંડાલના લોખંડના થાંભલા બેન્ડ કરી દીધા હતા. તેમજ મારા મિત્ર પ્રતિકની કારને પણ નુકસાન કર્યું હતું.આ ઘટનાના સીસીટીવી ફૂટેજ પણ પોલીસને આપવામાં આવ્યા હોવાનું જાણવા મળ્યું છે.