ન્યુ વીઆઇપી રોડના મકાનમાં આગ લાગતાં રોકડ અને ઘરવખરી ખાક

શહેરના ન્યુ વીઆઇપી રોડ વિસ્તારમાં આજે સવારે આગના બનેલા બનાવને પગલે આસપાસના રહીશોમાં અફરાતફરીનો માહોલ સર્જાયો હતો.ફાયર બ્રિગેડે સમયસર આગ કાબૂમાં લઇ લેતાં વધુ નુકસાન અટક્યું હતું.
ન્યુ વીઆઇપી રોડ વિસ્તારમાં ખોડિયાર નગર પાછળ વ્હાઇટ વુડાના મકાનો પાસે આજે સવારે પ્રેમજીભાઇ નામની વ્યક્તિના મકાનમાં ગેસ સિલિન્ડર લીકેજ થતાં આગ લાગી હતી.પરિવારજનો બહાર નીકળી જતાં કોઇ જાનહાનિ થઇ નહતી.બનાવને પગલે આસપાસના લોકો મદદ માટે દોડી આવ્યા હતા.પાણીગેટ ફાયર બ્રિગેડની ટીમ આવી જતાં થોડી જ વારમાં આગ પર કાબૂ મેળવી લીધો હતો.આગમાં કેટલીક રોકડ રકમ અને ઘરવખરી ખાક થઇ ગયા હતા.