સમાધાન માટે બોલાવી ધો.૧૧ ના વિદ્યાર્થી પર હુમલો

ગોરવા વિસ્તારમાં રહેતા ૧૬ વર્ષના કિશોરને એક વર્ષ પહેલા થયેલા ઝઘડાની અદાવત રાખી ત્રણ હુમલાખોરોએ ચાકૂ અને પટ્ટા વડે હુમલો કર્યો હતો.
ગોરવા પોલીસ સ્ટેશનમાં નોંધાયેલી ફરિયાદ મુજબ, ધો.૧૧ ના વિદ્યાર્થીને એક વર્ષ પહેલા સી.કે. પ્રજાપતિ સ્કૂલમાં સ્કૂલમાં ધક્કા મુક્કી ના કારણે ઝઘડો થયો હતો. જોકે, હાલમાં તે સેન્ટ મેરી સ્કૂલમાં અભ્યાસ કરે છે. અગાઉના ઝઘડાની અદાવત રાખી ત્રણ હુમલાખોરોએ તેને સમાધાન માટે બોલાવ્યો હતો. એક હુમલાખોરે ચાકૂ વડે માથામાં ઇજા પહોંચાડી હતી. જ્યારે અન્ય બે હુમલાખોરોએ પટ્ટા વડે હુમલો કર્યો હતો. ગોરવા પોલીસે આ અંગે ગુનો દાખલ કરી કાયદેસરની કાર્યવાહી હાથ ધરી છે. તમામ હુમલાખોરો પણ સગીર વયના છે.