વેસ્ટ ઝોન શૂટિંગ ચેમ્પિયનશિપમાં વડોદરાના રમતવીરોની સિદ્ધિ

Vadodara News : તાજેતરમાં અમદાવાદના ખાનપુર ખાતે મિલિટરી એન્ડ રાઇફલ ટ્રેનિંગ એસોસિએશન રાઇફલ ક્લબ ખાતે 13મી વેસ્ટ ઝોન શૂટિંગ ચેમ્પિયનશિપ સ્પર્ધા-2026 યોજાઈ હતી. આ સ્પર્ધામાં બરોડા રાઇફલ ક્લબના રમતવીરોએ ભાગ લીધો હતો. જેમાં બે રમતવીરોએ વિવિધ કેટેગરીમાં ચંદ્રક મેળવી વડોદરા તથા ગુજરાતનું ગૌરવ વધાર્યું છે.
સ્પર્ધામાં બરોડા રાઇફલ ક્લબની રમતવીર રિચા ભટનાગરે 10 મીટર એર પિસ્તોલ ચેમ્પિયનશિપની માસ્ટર વિમેન્સ ઇવેન્ટમાં રજત ચંદ્રક પ્રાપ્ત કર્યો હતો. જ્યારે ધ્યાનવી કેયુષ પટેલે 25 મીટર સ્ટાન્ડર્ડ પિસ્તોલ ચેમ્પિયનશિપની જુનિયર વિમેન્સ ઇવેન્ટમાં કાંસ્ય ચંદ્રક મેળવ્યો હતો.
આ ગૌરવપૂર્ણ સિદ્ધિ બદલ બરોડા રાઇફલ ક્લબ તરફથી બંને રમતવીરોને હાર્દિક અભિનંદન પાઠવવામાં આવ્યા હતા. તેમજ તેમના ઉજ્જવળ ભવિષ્ય માટે શુભેચ્છાઓ વ્યક્ત કરવામાં આવી હતી.