કારમાં દારૃની હેરાફેરી કરતી મહિલા સહિત ૪ ઝડપાયા

માણેજા ક્રોસિંગ પાસેથી મકરપુરા પોલીસે વિદેશી દારૃ ભરેલી કાર સાથે એક મહિલા સહિત ચાર આરોપીઓને ઝડપી પાડી સોમવાર સુધીના રિમાન્ડ મેળવી વધુ તપાસ હાથ ધરી છે.
મકરપુરા પોલીસને માહિતી મળી હતી કે, માણેજા ક્રોસિંગ પાસેથી દારૃ ભરેલી કાર પસાર થવાની છે. જેમાં એક મહિલા અને ત્રણ પુરૃષો છે.પી.આઇ.એ.એમ. ગોહિલની સૂચના મુજબ,સ્ટાફે ઉપરોક્ત સ્થળે વોચ ગોઠવી હતી. દરમિયાન એક શંકાસ્પદ કાર આવતા પોલીસે કાર અટકાવીને ચેક કરતા તેમાંથી દારૃની ૯૨૯ બોટલ કિંમત રૃપિયા ૩.૦૧ લાખની મળી આવી હતી. પોલીસે દારૃ, કાર તથા મોબાઇલ ફોન મળીને કુલ ૫.૦૨ લાખનો મુદ્દામાલ કબજે કર્યો છે. પોલીસે (૧) ફિરોજ રજનીકાંત પટણી (રહે. મારૃતિ એપાર્ટમેન્ટ, કુઁભારવાડા, ગાજરાવાડી) (૨) સહબાજ અબ્દુલરફીક ખાન (૩) સોહિલ જલીલઅહેમદ ખાન તથા (૪) ઉર્મિલાદેવી શ્યાદાર સરોજ (ત્રણેય રહે. ગોકુલધામ સોસાયટી, સાખી ગામ, પલસાણા, સુરત,મૂળ રહે. યુ.પી.) ને ઝડપી પાડી વધુ પૂછપરછ હાથ ધરી છે.ઉર્મિલાદે સામે અગાઉ વાડી, સુરત, વલસાડમાં પણ ગુનાઓ દાખલ થયા છે.