શુક્રના ગોચરથી થશે લાભ જ લાભ, 3 રાશિના જાતકોનું જીવન બની જશે વૈભવી
Summarized by AI; it may make mistakes. Check important info
Summarized by AI; it may make mistakes. Check important info
Venus Transit 2026: જ્યોતિષ શાસ્ત્રમાં શુક્ર દેવને સુખ, સુંદરતા, પ્રેમ અને સમૃદ્ધિનો કારક માનવામાં આવે છે. જ્યારે પણ શુક્ર પોતાની રાશિ બદલે છે, ત્યારે તેની સીધી અસર વ્યક્તિના જીવન સ્તર અને તેમની સુખ-સુવિધાઓ પર પડે છે. વર્ષ 2026માં 14 મે, 2026ના રોજ શુક્ર દેવ પોતાની સ્વરાશિ વૃષભમાંથી નીકળીને બુધની રાશિ મિથુનમાં ગોચર કરશે. શુક્રનું આ ગોચર લોકોની જીવનશૈલીમાં તો ફેરફાર લાવશે જ, પરંતુ આ સાથે જ તે આર્થિક અને વ્યવસાયિક મોરચે પણ ઘણી રાશિઓ માટે વરદાનરૂપ સાબિત થશે.
14 મે થી બદલાશે ગ્રહોની ચાલ
બુધ અને શુક્ર વચ્ચે કુદરતી મિત્રતાનો સંબંધ છે. જ્યોતિષીય ગણતરીઓ પ્રમાણે મિથુન રાશિમાં શુક્રનું આગમન એક સુખદ સંયોગ છે. 14 મેથી શરૂ થનારું આ ગોચર લોકોના સંવાદ કૌશલ્ય, કલાત્મક ક્ષમતાઓ અને વ્યવસાયિક કુશળતાને તેજ બનાવશે. આ દરમિયાન બજારમાં વૈભવી વસ્તુઓની માગમાં વધારો થશે અને શેરબજારમાં પણ સકારાત્મક ગતિવિધિ જોવા મળી શકે છે. ખાસ કરીને મીડિયા, ફેશન અને માર્કેટિંગ સાથે સંકળાયેલા જાતકો માટે આ સમય ગોલ્ડન પીરિયડ સાબિત થશે.
આ રાશિઓ માટે 'વરદાન' સાબિત થશે આ ગોચર
મેષ રાશિ
મેષ રાશિના જાતકો માટે શુક્રનું આ ગોચર કરિયરમાં નવી ઉર્જાનો સંચાર કરશે. તમારા ત્રીજા ભાવમાં શુક્રનું ગોચર તમારા સાહસ અને પરાક્રમમાં વધારો કરશે. 14 મે પછી આવકના નવા સ્ત્રોત ખુલશે. લાંબા સમયથી અટકેલું ધન પ્રાપ્ત થશે. તમારી સુખ-સુવિધાઓમાં વધારો થશે.
મિથુન રાશિ
શુક્ર તમારી જ રાશિના લગ્ન ભાવમાં પ્રવેશ કરી રહ્યો છે, જે તમારા વ્યક્તિત્વમાં ગજબનો નિખાર લાવશે. તમારા આત્મવિશ્વાસમાં વધારો થશે. લોકો તમારી વાતોથી પ્રભાવિત થશે. જો તમે સિંગલ છો, તો પાર્ટનર સાથે સંબંધ જોડાઈ શકે છે. સમાજમાં તમારું માન-સન્માન વધશે.
કન્યા રાશિ
કન્યા રાશિના જાતકો માટે શુક્રનું ગોચર તેના દસમા ભાવ એટલે કે કર્મ ભાવમાં થશે. કાર્યસ્થળ પર તમારા કામની ખૂબ પ્રશંસા થશે. પ્રમોશનની શક્યતાઓ બનશે. જો તમે નવું ઘર કે કાર ખરીદવાનું વિચારી રહ્યા છો 14 મે પછીનો સમય સૌથી અનુકૂળ રહેશે.
ઉપાય: શુક્રનો શુભ પ્રભાવ કેવી રીતે વધારવો?
શુક્ર ગ્રહના શુભ ફળને પ્રાપ્ત કરવા માટે 14 મેના ગોચરના દિવસે લક્ષ્મી નારાયણની વિશેષ પૂજા-અર્ચના કરો. આ ઉપરાંત શુક્રવારના દિવસે સફેદ વસ્તુઓ જેમ કે, દૂધ, દહીં, ચોખા અથવા સફેદ વસ્ત્રોનું દાન કરવું ખૂબ જ ફાયદાકારક રહે છે. તમારા ઘરના મંદિરમાં ઘીનો દીવો પ્રગટાવો અને "ૐ શું શુક્રાય નમઃ" મંત્રનો જાપ કરો.
