નીચ રાશિમાં સૂર્યની એન્ટ્રી, નવરાત્રિથી દિવાળી સુધી 5 રાશિના જાતકો રહેશે પૈસાદાર!

Sun transit in Libra October : જ્યોતિષીય માન્યતા અનુસાર, ગ્રહોના રાજા ગણાતા સૂર્યે 17 ઑક્ટોબરે કન્યા રાશિમાંથી તુલા રાશિમાં પ્રવેશ કર્યો છે. સૂર્ય 17 નવેમ્બર સુધી તુલા રાશિમાં રહેશે. જ્યોતિષવિદ પ્રવીણ મિશ્રના જણાવ્યા અનુસાર, આ ગોચર દરમિયાન પાંચ રાશિના જાતકોને કારકિર્દી, આર્થિક બાબતો અને વ્યક્તિગત જીવનમાં અનુકૂળ પરિણામો મળી શકે છે. આ સમયગાળામાં નવરાત્રિ, દશેરા, કરવાચોથ, ધનતેરસ અને દિવાળી જેવા તહેવારો પણ આવે છે. જ્યોતિષશાસ્ત્રમાં તુલા રાશિને સૂર્યની નીચ રાશિ માનવામાં આવે છે અને તેના સ્વામી શુક્ર છે. આ ગોચરની અસર દરેક રાશિ માટે અલગ હોઈ શકે છે.

કઇ રાશિ પર કેવી અસર થશે?

મેષ: સાતમા ભાવમાં સૂર્યના ગોચર દરમિયાન જીવનસાથી અને વ્યવસાયિક ભાગીદાર સાથે મતભેદ ટાળવાની સલાહ છે. ઉતાવળમાં નિર્ણય લેવાને બદલે ધીરજ રાખવી અને નવી આવડતો શીખવા પર ધ્યાન આપવું.
વૃષભ: છઠ્ઠા ભાવમાં ગોચરને પગલે સ્વાસ્થ્ય, દેવું અને વિરોધીઓ સંબંધિત બાબતોમાં સાવચેતી રાખવી. ઉતાવળમાં લોન લેવી કે મોટું રોકાણ કરવું ટાળવું. આવકની સાથે બચત વધારવા પર ધ્યાન આપવું.
મિથુન: નોકરી કરતા લોકોને પોતાની ક્ષમતા દર્શાવવાની તક મળી શકે છે. વરિષ્ઠ અધિકારીઓ સાથે સંબંધ સુધરી શકે છે અને વેપારીઓને નવા પ્રોજેક્ટ મળવાની શક્યતા છે.
કર્ક: જમીન કે મકાન ખરીદવા અંગેના નિર્ણય સમજીવિચારીને લેવા. પારિવારિક વિવાદોથી દૂર રહેવું અને માતા સહિત ઘરના વડીલોના સ્વાસ્થ્યનું ધ્યાન રાખવું.
સિંહ: આત્મવિશ્વાસ જાળવી રાખવો, પરંતુ નોકરી બદલવા કે વ્યવસાયમાં ઉધારના વ્યવહારો કરવા ઉતાવળ ન કરવી. ગુસ્સા પર નિયંત્રણ રાખવું.
કન્યા: આવક વધારવા પ્રયત્નો કરવા અને ખર્ચ પર નિયંત્રણ રાખવું. વાણીમાં નમ્રતા જાળવવી. આંખને લગતી તકલીફ હોય તો તેને અવગણવી નહીં.
તુલા: આર્થિક અને વ્યવસાયિક ક્ષેત્રે નવી તકો મળી શકે છે. અટકેલાં કામ આગળ વધવાની સાથે નોકરીમાં નવી જવાબદારી કે બઢતીની શક્યતા છે.
વૃશ્ચિક: બિનજરૂરી ખર્ચ અને વિવાદોથી દૂર રહેવું. વિદેશ સાથે જોડાયેલા કામ કે અન્ય શહેરમાં નોકરી મેળવવા પ્રયત્ન કરતા લોકોને તક મળી શકે છે.
ધનુ: આયોજનબદ્ધ રીતે કામ કરવાથી નોકરી અને વ્યવસાયમાં લાભ મળી શકે છે. અટકેલાં કામ આગળ વધવાની અને માન-સન્માન વધવાની શક્યતા છે.
મકર: કર્મક્ષેત્રમાં સૂર્યના ગોચરને કારણે વરિષ્ઠ અધિકારીઓનો સહયોગ મળવાની શક્યતા છે. વ્યવસાયમાં મહેનત વધારવી અને બિનજરૂરી ખર્ચ તથા નકારાત્મક વિચારોથી દૂર રહેવું.
કુંભ: આવક અને ખર્ચ વચ્ચે સંતુલન જાળવવામાં મદદરૂપ તકો મળી શકે છે. નોકરીમાં સારા સમાચાર અથવા વ્યવસાયમાં નવા અવસર મળવાની શક્યતા છે. મુસાફરી અને રોકાણ અંગે બજેટ ધ્યાનમાં રાખવું.
મીન: કામકાજ અને સ્વાસ્થ્ય પર વિશેષ ધ્યાન આપવું. સંશોધન કે વિદેશ સાથે જોડાયેલા ક્ષેત્રમાં કામ કરતા લોકોએ પ્રયત્નો વધારવા. સંબંધોમાં મતભેદ ટાળવા અને ખાણીપીણીમાં બેદરકારી ન રાખવી.

સૂર્યને અર્ઘ્ય આપવાની સલાહ

જ્યોતિષવિદની સલાહ મુજબ, વિવિધ રાશિના જાતકોને દરરોજ સવારે સૂર્યને અર્ઘ્ય આપવા અને રવિવારે જરૂરિયાતમંદોને ગોળ, ભોજન કે ફળનું દાન કરવા જેવા ઉપાયો સૂચવવામાં આવ્યા છે. કેટલાક ઉપાયોમાં દુર્ગા ચાલીસાના પાઠ અને રવિવારનું વ્રત રાખવાથી ફાયદો થશે.