સર્વપિતૃ અમાસ પર શનિશ્ચરી સંયોગ: 10 ઓક્ટોબરે આ 5 સરળ ઉપાયથી પિતૃ અને શનિ દોષમાંથી મળશે મુક્તિ!

Sarvapitri Amavasya 2026 Date : આ વર્ષે 10 ઓક્ટોબર, શનિવારના રોજ સર્વપિતૃ અમાવસ્યા આવી રહી છે. અમાસ તિથિની સાથે જ પિતૃ પક્ષની પણ પૂર્ણાહુતિ થાય છે. આ વર્ષની સર્વપિતૃ અમાસ આધ્યાત્મિક દ્રષ્ટિકોણથી ખૂબ જ ખાસ છે કારણ કે આ વર્ષે તે શનિવારના રોજ આવી રહી છે, જેને 'શનિશ્ચરી અમાસ' તરીકે પણ ઓળખવામાં આવે છે. હિન્દુ માન્યતાઓ અનુસાર, સર્વપિતૃ અમાવસ્યા અને શનિવારનો સંયોગ હોવાના કારણે આ દિવસે પિતરોને તર્પણ, શ્રાધ્ધ તેમજ દાન-પુણ્ય કરવું અત્યંત શુભ માનવામાં આવે છે.

આ દિવસે પૂર્વજોની તૃપ્તિની સાથેસાથે શનિ દેવની પૂજા-અર્ચના કરવાથી શનિના દુષ્પ્રભાવોથી પણ મુક્તિ મળે છે.
સર્વપિતૃ અમાસ 2026 ની તિથિ અને મુહૂર્ત
આશ્વિન માસની અમાસ તિથિની શરૂઆત: 9 ઓક્ટોબર 2026 ના રોજ રાત્રે 9:35 વાગ્યે
અમાસ તિથિ સમાપ્ત: 10 ઓક્ટોબર 2026 ના રોજ રાત્રે 9:19 વાગ્યે
સર્વપિતૃ અમાસની તિથિ (ઉદયતિથિ મુજબ): 10 ઓક્ટોબર 2026

સર્વપિતૃ અમાસના દિવસે કરવા યોગ્ય વિશેષ ઉપાય
આ વર્ષે સર્વપિતૃ અમાસના અવસરે શનિશ્ચરી અમાસનો દુર્લભ સંયોગ સર્જાઈ રહ્યો છે, જે પિતૃઓના આશીર્વાદ સાથે શનિ દેવની વિશેષ કૃપા મેળવવાની ઉત્તમ તક છે:
પીપળાની પૂજા: 10 ઓક્ટોબર શનિવારના રોજ પીપળાના વૃક્ષની ઓછામાં ઓછી 11 વાર પરિક્રમા કરવી. આ ઉપરાંત 5 પ્રકારની મીઠાઈ પીપળાના પાન પર મૂકીને પિતરોને અર્પણ કરવી જોઈએ.
દીપદાન: સર્વપિતૃ અમાસના અવસરે સંધ્યાકાળે 5 દીવા પ્રગટાવવાનો ઉપાય સૌથી શુભ માનવામાં આવે છે.
પંચ બલિ પ્રક્રિયા: આ દિવસે ઘરમાં તૈયાર થયેલા ભોજનમાંથી પાંચ ભાગ કાઢવા જોઈએ. જેમાં પહેલો ભાગ ગાયને, બીજો બિલાડીને, ત્રીજો કૂતરાને, ચોથો કાગડાને અને પાંચમો ભાગ બ્રાહ્મણને આપવો જોઈએ.
પિતૃ સ્તોત્રનો પાઠ: આ દિવસે સવારે કે સાંજ દરમિયાન કોઈપણ સમયે પિતૃ સ્તોત્રનો પાઠ કરવો લાભદાયી સાબિત થાય છે.
શનિદેવની આરાધના: શનિવારે અમાસ હોવાથી શનિદેવને પ્રસન્ન કરવા માટે તેમને સરસવનું તેલ અર્પણ કરવું, જરૂરિયાતમંદ બાળકોને ભેટ આપવી અને હનુમાન ચાલીસાનો પાઠ કરવો ઉત્તમ છે.