હેડલી-રાણાએ તપાસ કર્યા પછી સ્લીપર સેલ સક્રિય થયાની આશંકા
અમદાવાદ,
અમેરિકાની એજન્સી એફ.બી.આઈ.એ આતંકવાદી સંગઠનોના ઈશારે ભારતના અનેક
શહેરોમાં રેકી કરનાર દાઉદ ગિલાની ઉર્ફે ડેવિડ હેડલી અને તહવ્વુર રાણાએ
ભારતના અનેક શહેરોની રેકી કર્યાની ચોંકાવનારી વિગતો ખૂલી છે. આ સંજોગોમાં
રેકી કરાયેલા સ્થળોમાંથી કોઈ જગ્યાએ બાંગ્લાદેશ અથવા નેપાળ થઈને આતંકવાદીઓ
પ્રવેશીને મુંબઈ હુમલાની પ્રથમ વરસીએ હુમલો કરવાની સંભાવનાએ તમામ રાજ્યોને
સતર્ક રહેવા કેન્દ્રીય એજન્સીઓએ આદેશ કર્યો છે. ગુજરાતમાં જળસીમાએથી
આતંકવાદીઓ ઘૂસવાની સંભાવનાઓ ઉપરાંત પૂર્વ ભારતમાંથી આવતી ટ્રેનો દ્વારા
આતંકવાદીઓ મુસાફરના સ્વાંગમાં ઘૂસવાની ભીતિએ ટ્રેનોમાં વિશેષ સતર્કતાના
આદેશ કરાયા છે. એકંદર, રેલવે- એરપોર્ટ સહીત મુસાફર પરિવહનના તમામ સ્તરે
સઘન તપાસ કરવા સાથે ગુજરાતમાં હાઈએલર્ટના આદેશ કરાયા છે.
(પ્રતિનિધિ દ્વારા) ગાંધીનગર,
લાઇમ સ્ટોનની લીઝ સિમેન્ટ કંપનીઓને ૩૦ વર્ષ માટે આપવા માટે સરકારે નિર્ણય
લીધા બાદ આજે રાજ્યની ખાણોમાં ઉપલબ્ધ લિગ્નાઈટનો જથ્થો રાજ્ય સરકારની
માલિકીના સાહસોને તથા તેની સાથે સંયુક્ત ક્ષેત્રના પ્રોજેક્ટોને ટોચ
અગ્રતા ક્રમે આપવાનો નિર્ણય કર્યો છે. આ સંદર્ભે રાજ્યના ઉદ્યોગ-ખાણ
વિભાગે નવો જી.આર. બહાર પાડયો છે.
સર્વિસ ટેક્સનું રજિસ્ટ્રેશન હોવા છતાંય અમદાવાદમાં સર્વિસટેક્સ કમિશનર કહે છે, માણસો ન હોવાથી તેમની તપાસ કરવી શક્ય નથી
(પ્રતિનિધિ તરફથી) અમદાવાદ,
સર્વિસ ટેક્સનું રજિસ્ટ્રેશન ધરાવતી ૨૭૩૫૪ કંપનીઓમાંથી માત્ર ૧૨૬૫૦થી
કંપનીઓ જ સક્રિય છે. તે સિવાયની ૧૫૦૦૦ જેટલી કંપનીઓ તેમના રિટર્ન પણ ફાઈલ
કરતી નથી. બીજી તરફ સક્રિય કંપનીઓમાંથી સંખ્યાબંધ કંપનીઓ લોકો પાસેથી
સર્વિસટેક્સ વસૂલ કર્યા પછી સર્વિસ ટેક્સ કમિશનરની કચેરીમાં જમા પણ ન
કરાવતી હોવાની પણ શક્યતા રહેલી છે. છતાંય સર્વિસ ટેક્સ કમિશનર કરદાતાઓ પર
વિશ્વાસ કરીને હાથ પર હાથ જોડીને બેસી રહ્યા છે.
અમદાવાદ,
આંબાવાડી વિસ્તારમાં આવેલા પરિમલ રેલવે ક્રોસીંગ પાસે ચાલી રહેલા
અંડરપાસનાં કામ દરમિયાન શુક્રવારે ઢળતી સાંજે ભેખડ ધસી પડતાં દટાઈ જવાથી
પાંચ મજૂરના કરૃણ મોત નિપજ્યા હતા. જ્યારે બીજા એક મજૂરને ગંભીર રીતે ઈજા
પહોંચી છે. સુવિધા શોપીંગ સેન્ટરથી પરિમલ ગાર્ડન તરફ જવાના માર્ગ પર આ
દુર્ઘટનાં બની હતી. જેને પગલે લોકોના મોટા ટોળાં ભેગા થઈ ગયા હતા.
(પ્રતિનિધિ તરફથી) અમદાવાદ,
મોબાઈલ માટેની બેટરી બનાવવા માટેનું ચીનથી ખરીદેલું મશીન મલેશિયાથી
લાવવામાં આવી રહ્યું હોવાની ખોટી જાહેરાત કરીને ૩૦૦ ટકા એન્ટિ ડમ્પિંગ
ડયૂટી બચાવવા માટે કસ્ટમ્સ ડિપાર્ટમેન્ટની છેતરપિંડી કરવાની કોશિશ કરનાર
મેક્સ મોબાઈલ નામની કંપનીએ આયાત કરેલી મશીનરીને ગાંધીધામ ખાતે જ
ડિરેક્ટોરેટ ઑફ રેવન્યુ ઇન્ટેલિજન્સના અધિકારીઓએ જપ્ત કરી લીધી છે અને મિસ
ડિક્લેરેશન કરીને ૩૦૦ ટકાની એન્ટિ ડમ્પિંગ ડયૂટીની ચોરી કરવાનો પ્રયાસ
કરવા બદલ કેસ નોંધ્યો હોવાનું જાણવા મળી રહ્યું છે.
કહેવાય છે કે, જ્યાં ન પહોંચે રવિ ત્યાં પહોંચે
કવિ..પરંતુ, જ્યાં ન પહોંચે કવિ, ત્યાં પહોંચે ગુજરાતી...ગુજરાતનાં જાંબાઝ
બાશિંદાઓ વિશ્વનાં ખૂણેખૂણે પથરાયેલા છે. દુનિયાનાં લગભગ તમામ દેશોમાં
ગુજરાતી પરિવારો વસે છે. આપણા માટે ગર્વની વાત એ છે કે, માત્ર પૃથ્વી પર જ
નહીં પરંતુ, અંતરિક્ષમાં પણ ગુજરાતી મૂળનાં લોકો પહોંચી ગયા છે. એક
ગુજરાતીએ પોતાની સુંદર કાવ્ય રચનામાં ઉલ્લેખ કર્યો છે કે, જ્યાં જ્યાં વસે
એક ગુજરાતી, ત્યાં ત્યાં સદાકાળ ગુજરાત..જ્યાં જ્યાં બોલાતી ગુજરાતી,
ત્યાં ત્યાં ગુર્જરીની મહોલાત..!!
અમદાવાદ,
અમદાવાદના પોલીસ સ્ટેશનોમાં અધિકારીઓ અને પોલીસ સ્ટેશન ઓફીસરો ફરિયાદીઓને
ધક્કા ખવડાવતા હોવાની તેમજ ગેરવર્તન કરતા હોવાનો કડવો અનુભવ અનેક લોકોને
થતો રહ્યો છે. પરંતુ, અમદાવાદ શહેર પોલીસ તંત્રમાં ઉચ્ચ અધિકારીઓ બદલાયા
પછી ફરજમાં બેદરકારી દાખવનારાં પોલીસ અધિકારીઓ સામે પગલાં લેવાનું શરૃ
કરાયું છે. નરોડા વિસ્તારમાં ઉઘરાણીના પૈસાની વસૂલાત માટે એક નિવૃત્ત મીલ
કર્મચારીને ધમકાવી કાર લૂંટી જવાની ફરિયાદ ન નોંધવામાં આવતા નરોડાના પોલીસ
ઈન્સ્પેક્ટર અને પોલીસ સ્ટેશન ઓફીસર (પી.એસ.ઓ.)ને સસ્પેન્ડ કરવામાં આવ્યા
છે.
