પૃથ્વીનો ઉત્તર છેડો : આર્કિટક સર્કલ

પૃથ્વીનો ઉત્તર ધ્રુવના પ્રદેશમાં આર્કિટક સમુદ્ર ઉપરાંત કેનેડા, રશિયા, નોર્વે, ગ્રીનલેન્ડ, ફિનલેન્ડ અને સ્વીડન સહિતના દેશોના કેટલાક વિસ્તારો આવેલા છે. લગભગ ૫૪ લાખ ચોરસ માઈલનો આ વિસ્તાર અજાયબ ભૂગોળ ધરાવે છે. આ વિસ્તારમાં હમેશાં બરફ છવાયેલો રહે છે. સૌથી નીચું તાપમાન માઈનસ ૬૮ ડિગ્રી નોંધાયુ હતું. આ વિસ્તારની કેટલીક વિશેષતાઓ જાણવા જેવી છે.
પૃથ્વી પરના તાજા પાણીનો દસ ટકા ભાગ ઉત્તરધ્રુવમાં બરફ સ્વરૂપે સચવાયેલો છે.
હિમ જેવા દરિયાઈ વિસ્તારમાં પોલાર બેર, વ્હેલ, સીલ જેવી જીવસૃષ્ટિ વસે છે.
આ વિસ્તાર માછલી, કુદરતી ગેસ અને કેટલાક ખનીજોથી સમૃધ્ધ છે.
આ વિસ્તારની ગ્રે વ્હેલ ૧૨૫૦૦ માઇલનો પ્રવાસ કરી દર વર્ષે કેનેડા જાય છે અને પાછી આવે છે. ધ્રુવીય પ્રદેશોમાં લગભગ ૪૦ લાખની માનવવસતિ પણ છે.