VIDEO : રેલિંગ પર ચડ્યો... પછી કૂદ્યો, સુરક્ષા કર્મીઓની વચ્ચેથી વિરાટ કોહલી પાસે પહોંચ્યો પેલેસ્ટાઈન સમર્થક
Image Source: Twitter
- જોનસન અગાઉ પણ આવી હરકતો કરી ચૂક્યો છે
અમદાવાદ, તા. 21 નવેમ્બર 2023, મંગળવાર
Pro-Palestine Fan Wen Johnson World Cup 2023 Final entry Video: અમદાવાદના નરેન્દ્ર મોદી સ્ટેડિયમમાં રવિવારે ICC વર્લ્ડ કપ 2023ની ફાઈનલ મેચ ઓસ્ટ્રેલિયા અને ભારત વચ્ચે રમાઈ હતી. આ મહામુકાબલામાં ઓસ્ટ્રેલિયાએ ટીમ ઈન્ડિયાને 6 વિકેટે હરાવ્યું હતું. આ મેચ દરમિયાન એ સમયે હંગામો મચી ગયો હતો જ્યારે ઓસ્ટ્રેલિયન નાગરિક વેન જોનસન પેલેસ્ટાઈનને સપોર્ટ કરતી ટી-શર્ટ પહેરીને વિરાટ કોહલી પાસે પહોંચી ગયો હતો.
બાદમાં જોનસનની ઓળખ પ્રેન્ક સ્ટાર તરીકે થઈ હતી અને પછી એ પણ બહાર આવ્યું કે, તે અગાઉ પણ આવી હરકતો કરી ચૂક્યો છે. હવે જોનસનનો એ વીડિયો પણ સામે આવી ગયો છે જેમાં જોઈ શકાય છે કે, તે કેવી રીતે નરેન્દ્ર મોદી સ્ટેડિયમની ઓડિઅન્સ ગેલેરીમાંથી મેદાનની વચ્ચે પહોંચ્યો.
આ વીડિયોમાં જોઈ શકાય છે કે, જોનસન પહેલા સ્ટેડિયમની રેલિંગ પર ચઢી જાય છે અને પછી કુદી પડે છે. સ્ટેડિયમમાં હાજર એક ડઝનથી વધુ સુરક્ષાકર્મીઓની નજર તેના પર પડતાં જ તેઓએ તેને રોકવાનો પ્રયાસ કર્યો હતો. પરંતુ તે તેમને ધક્કો મારીને દોડતો પિચ પાસે પહોંચી ગયો.
विश्व कप फाइनल के दौरान स्टेडियम में फिलिस्तीन समर्थक मैदान में कैसे घुस गया था उसका नया फुटेज आया है! #INDvsAUSfinal pic.twitter.com/4o7QcdxAav
— Kunal Patel. 🇮🇳 (@krunalp531) November 20, 2023
વર્લ્ડ કપ 2023ની મેગા ફાઈનલમાં આ મોટી ચૂક હતી. ત્યારબાદ પેલેસ્ટાઈન તરફી ટી-શર્ટ પહેરેલ જોન્સન વિરાટ કોહલી પાસે પહોંચી ગયો હતો.
જોનસને માસ્ક પણ પેલેસ્ટાઈનના ધ્વજ વાળુ પહેર્યું હતું. આ ઘટના ભારતીય ઈનિંગ્સની 14મી ઓવરના ત્રીજા બોલ બાદ બની હતી. ત્યારબાદ સુરક્ષાકર્મીઓ તેને પકડીને બહાર લઈ ગયા હતા. જે બાદ તેને અમદાવાદના ચાંદખેડા પોલીસ સ્ટેશનમાં લઈ જવામાં આવ્યો હતો.
