વરસાદી વિધ્ન વચ્ચે DLS મુજબ ભારતની ન્યૂઝીલેન્ડ સામે 4 રને જીત, પાંચ વનડે મેચની શ્રેણીમાં 2-0થી આગળ

India vs New Zealand 2nd ODI: India vs New Zealand 2nd ODI: ભારત અને ન્યૂઝીલેન્ડ વચ્ચે પાંચ મેચોની વનડે શ્રેણીનો આજે (7 નવેમ્બર) બીજો મુકાબલો રમાયો હતો. વેલિંગ્ટનના હેનરી સ્ટેડિયમમાં ભારતીય ટીમને જીત માટે 135 રનનો ટાર્ગેટ મળ્યો હતો. વરસાદના કારણે ઘણા સમય માટે મેચને રોકવાની નોબત આવી હતી. જે બાદ DLS મુજબ ટીમ ઈન્ડિયાએ 4 રને જીત મેળવી છે.

• NZ: 134(41)
• IND: 113/7(26)

ડકવર્થ-લુઇસ નિયમ અનુસાર ભારતની જીત

વરસાદી વિધ્ન વચ્ચે મેચમાં 26 ઓવરની રમત થઈ ચૂકી હતી. કેએલ રાહુલ 38 બોલમાં 26 રન બનાવીને રમી રહ્યા હતા, ટીમ ઈન્ડિયાની જીતનો દરોમદાર રાહુલ પર હતો. આકિબ નબી 1 રન પર રમતો હતો જીતવા માટે 21 ઓવરમાં 22 રનની જરૂર હતી. ડકવર્થ લુઇસ નિયમ હેઠળ ભારત ઘણું આગળ હતું, પણ મેચ શરૂ ન થતાં ભારતે ડકવર્થ લુઇસ પ્રમાણે 4 રને જીત હાંસલ કરી વન ડેનો બીજો મુકાબલો પણ જીતી લીધો છે

કોહલી માત્ર 7 રન બનાવીને આઉટ

ભારત તરફથી સૌથી વધુ રન શ્રેયસ અય્યરે બનાવ્યા. અય્યરે 30 રનની ઇનિંગ રમી, કેએલ રાહુલે 26 રનની અણનમ ઇનિંગ રમી, રોહિત શર્મા 23 રન બનાવીને આઉટ થયા. આજની મેચમાં કોહલી માત્ર 7 રન જ બનાવી શક્યા. ન્યૂઝીલેન્ડ તરફથી કાઇલ જેમીસને 3 વિકેટ ઝડપવામાં સફળતા મેળવી. જેકોબ ડફીએ પણ 3 વિકેટ ઝડપી, હવે શ્રેણીની ત્રીજી મેચ 10 નવેમ્બરે રમાશે.

બંને ટીમોએ પ્લેઇંગ-11માં પ્લેયર્સ જાળવી રાખ્યા

આ મુકાબલા માટે બંને ટીમોએ પોતાની પ્લેઇંગ-11માં કોઈ ફેરફાર કર્યો નથી. ભારતીય ઝડપી બોલર મોહમ્મદ સિરાજ સિલેક્શન માટે ઉપલબ્ધ હતા, પરંતુ તેમને તક ન મળી. ભારતીય ટીમ મેનેજમેન્ટે આકિબ નબી પર ફરી વિશ્વાસ દર્શાવ્યો. તો બીજી તરફ ન્યૂઝીલેન્ડે અનુભવી ઝડપી બોલર મેટ હેનરીને આ મુકાબલામાં પણ મેદાનમાં ઉતાર્યા નથી.

ભારતની પ્લેઇંગ-11

રોહિત શર્મા, શુભમન ગિલ (કેપ્ટન), વિરાટ કોહલી, શ્રેયસ અય્યર, અક્ષર પટેલ, કેએલ રાહુલ (વિકેટકીપર), નમન ધીર, અંશુલ કમ્બોજ, ગુરનૂર બ્રાર, આકિબ નબી અને અર્શદીપ સિંહ

ન્યૂઝીલેન્ડની પ્લેઇંગ-11

ટિમ સીફર્ટ, વિલ યંગ, હેનરી નિકોલ્સ, ડેરીલ મિચેલ, ટોમ લેથમ (વિકેટકીપર), ગ્લેન ફિલિપ્સ, મિચેલ સેન્ટનર (કેપ્ટન), નાથન સ્મિથ, કાઇલ જેમિસન, બ્લેયર ટિકનર અને જેકબ ડફી