BCCI માં મોટી ઉથલપાથલ, અજિત અગરકર ચીફ સિલેક્ટર પદ છોડશે! AGMની લેટેસ્ટ અપડેટ

BCCI AGM Decisions : ભારતીય ક્રિકેટ કંટ્રોલ બોર્ડ (BCCI) ની 95 મી એન્યુઅલ જનરલ મીટિંગ (AGM) માં અનેક મહત્ત્વપૂર્ણ નિર્ણયો લેવામાં આવ્યા છે. આ બેઠક દરમિયાન સૌથી મોટી ચર્ચા ચીફ સેલેક્ટર અજીત આગરકરના ભવિષ્યને લઈને રહી છે. સૂત્રોના જણાવ્યા અનુસાર, અજીત આગરકર હવે આ પદ પર આગળ ચાલુ રહેવાની ઈચ્છા ધરાવતા નથી. તેમનો વર્તમાન કાર્યકાળ 4 ઓક્ટોબરે પૂરો થઈ રહ્યો છે.

અજીત આગરકરનો કાર્યકાળ અને AGM ના અધિકારો

• અહેવાલ મુજબ, અજીત આગરકર સાથે જોડાયેલા એક સૂત્રએ પુષ્ટિ કરી છે કે તેમણે અગાઉથી જ BCCI ને આ બાબતે જાણ કરી દીધી છે.
• શુક્રવારે મળેલી AGM દરમિયાન BCCI એ અધિકારીઓને સિલેક્શન કમિટીઓ સાથે જોડાયેલા મામલાઓ પર અંતિમ નિર્ણય લેવાની સત્તા આપી દીધી છે.
• આ બેઠકમાં ભારતના પૂર્વ કપ્તાન સૌરવ ગાંગુલી અને પૂર્વ ફાસ્ટ બોલર વેંકટેશ પ્રસાદ સહિત અનેક રાજ્ય સદસ્ય બોર્ડના પ્રતિનિધિઓ સામેલ થયા હતા.

જૂનિયર સિલેક્શન કમિટી અને ફિલ્ડિંગ કોચ અંગે અપડેટ

• સીનિયર સિલેક્શન કમિટીના પ્રમુખના ભવિષ્ય ઉપરાંત, BCCI જૂનિયર સિલેક્શન કમિટીના તમામ 5 પદોને ભરવા પર પણ ગંભીરતાથી વિચાર કરી રહી છે.
• બોર્ડના સેક્રેટરી દેવજીત સાઈકિયાએ જણાવ્યું કે જૂનિયર સિલેક્શન કમિટી માટે મોટી સંખ્યામાં અરજીઓ મળી છે અને આગામી 15 દિવસની અંદર આ પ્રક્રિયા પૂર્ણ કરવાનો લક્ષ્યાંક છે.
• ભારતીય ફિલ્ડિંગ કોચ શુભદીપ ઘોષની નિમણૂક શોર્ટ-ટર્મ માટે કરવામાં આવી છે, અને તેમના પ્રદર્શનની સમીક્ષા કર્યા બાદ અંતિમ નિર્ણય લેવામાં આવશે.

અમ્પાયરોના પેમેન્ટ સ્ટ્રક્ચરમાં ફેરફાર અને અન્ય નિર્ણયો

• જનરલ બોડીએ અમ્પાયરો અને મેચ રેફરીઓ માટે વધુ સારા પેમેન્ટ સ્ટ્રક્ચર તથા ગ્રેડ્સના પુનર્ગઠનને મંજૂરી આપી દીધી છે.
• બદલાયેલા નવા ગ્રેડ (A, B, C અને D) મુજબ હવે ડોમેસ્ટિક અને અન્ય મેચો માટે દૈનિક ભથ્થું ક્રમશઃ Rs 60,000, Rs 50,000, Rs 40,000 અને Rs 35,000 સુધી કરવામાં આવ્યું છે.
• આ ઉપરાંત, કેટલીક યુનિટ્સમાં ઉંમર સંબંધી છેતરપિંડીના કિસ્સાઓ સામે આવ્યા બાદ BCCI એ પોતાની નવી એજ વેરિફિકેશન પોલિસી અપનાવી છે તથા સેક્સ્યુઅલ હૈરેસમેન્ટ પોલિસી અંતર્ગત એક નવી ઇન્ટરનલ કમિટી પણ બનાવવામાં આવી છે.