Google AI Search: ગૂગલ હવે સર્ચ અનુભવને વધુ સરળ અને વાતચીત જેવું બનાવવાની કોશિશ કરી રહ્યું છે. કંપનીએ જાહેરાત કરી છે કે હવે યુઝર્સ સીધા AI Overviews એટલે કે સર્ચ રિઝલ્ટમાં ઉપર દેખાતા AI દ્વારા બનાવેલા જવાબમાંથી આગળના પ્રશ્નો પૂછી શકે છે. આ નવી સુવિધા દ્વારા યુઝર્સ ગૂગલના AI Mode સાથે આગળ-પાછળની વાતચીત કરી શકશે. ખાસ કરીને મુશ્કેલ પ્રશ્નો માટે આ ફીચર ખૂબ જ મહત્વપૂર્ણ માનવામાં આવી રહ્યું છે.
Gemini 3 હવે AI Overviews માટે ડિફોલ્ટ મોડેલ બનશે
ગૂગલે જણાવ્યું છે કે આ અપડેટથી યુઝર્સને “સર્ચ પરિણામોના પેજ પર જ શ્રેષ્ઠ AI જવાબ” આપવામાં આવશે. આ પગલું ગૂગલની મોટી યોજનાનો એક ભાગ છે, જે સર્ચને વધુ ઇન્ટરેક્ટિવ અને ચોક્કસ બનાવવાની દિશામાં આગળ વધી રહ્યું છે.
ગૂગલનું વિઝન
ગૂગલના પ્રોડક્ટ VP Robby Stein જણાવે છે કે લોકો સર્ચનો ઉપયોગ વિવિધ પ્રકારના પ્રશ્નો માટે કરે છે. સરળ પ્રશ્નો જેમ કે રમતના સ્કોર અથવા હવામાનથી લઈને જટિલ કામો સુધી AIનો ઉપયોગ કરવામાં આવે છે. આ વિશે રોબી કહે છે, “યુઝર સરળતાથી ખૂબ જ મહત્વપૂર્ણ વાતચીત આધારિત AI અનુભવનો લાભ લઈ શકે એ ગૂગલનું વિઝન છે.”
આ પણ વાંચો: સેમસંગે લોન્ચ કર્યું કમાલનું ફીચર, બાજુમાં બેઠેલી વ્યક્તિ પણ મોબાઇલમાં નહીં જોઈ શકે
વાતચીત આધારિત સર્ચ વધુ ગમે છે યુઝર્સને
ગૂગલના ટેસ્ટમાં જાણવા મળ્યું છે કે યુઝર્સને વાતચીત જેવું સર્ચ કરવાનો અનુભવ વધુ ગમે છે. કંપનીને એ પણ જાણવા મળ્યું કે AI Overviewsમાંથી આગળના પ્રશ્નો પૂછવાથી, અને અગાઉના સંદર્ભને જાળવી રાખવાથી સર્ચ વધુ ઉપયોગી બને છે. આ શોધના આધારે નવું ફીચર તૈયાર કરવામાં આવી રહ્યું છે. આ ફીચર ઝડપી જવાબથી લઈને ઊંડાણ સુધીના તમામ જવાબો સરળ રીતે આપે છે.
