અજમાવી જૂઓ

અડધા લીંબુના ફાડિયા પર મીઠું ભભરાવી રાખવાથી લીંબુ બગડશે નહીં.
ઢોસા લોઢીને ચોંટે નહીં માટે તવા પર પહેલાં અડધો કાંદો અથવા બટાટા ફેરવવા.તવા પર બે-ત્રણ ટીપાં તેલ પાથરી ઢોસા ઉતારવા.

• પાલક, મેથી જેવી પાંદડાયુક્ત ભાજીને ગરમ પાણીમાં મીઠું ભેળવી રાંધવાથી ભાજીનો લીલોછમ રંગ જળવાઇ રહે છે ઉપરાંત પૌષ્ટિક તત્વ નાશ નથી પામતા.
• નાળિયેરને તેના કોચલામાંથી બહાર કાઢવા ચાકુના ઉપયોગની બદલે નાળિયેરને ગેલ પર જરા ગરમ કરી તેના પર એકાદ-બે દસ્તા ઠોકવાથી તે છાલથી છૂટું પડી જશે.
• એક વાર ઉપયોગમાં લેવાયેલા તેલમાં ખાદ્યપદાર્થની વાસ આવતી હોય તો તેને દૂર કરવા તેમાં બટાકા તળી લેવા.
• ઇંડાની સફેદી અને મધ ભેળવી ચહેરા પર લગાડવાથી ત્વચા નિખરે છે.
• સવારના ઊટતાં જ તુલસીના છ પાન ચાવવાથી ગલું,મુખ અને પેઢાનું ઇન્ફેકશન થતું નથી.
  -ઘીની બરણીમાં નાગરવેલનું પાન મૂકવાથી ઘી લાંબા સમય સુધી બગડતું નથી.
• ગાયના દૂધમાં સૂંઠ ઘસી પેસ્ટ બનાવી લમણા અને કપાળ પર લગાડવાથી આધાશીશીમાં રાહત થાય છે.
• બેટરીના સેલ રેફ્રિજરેટરમાં રાખવાથી લાંબો સમય ચાલે છે.
• ગરમ મસાલો ન હોય તો જીરું અને મરી વાટીને નાખવાથી શાક સ્વાદિષ્ટ થશે તેમજ સોડમ પણ વધશે.
• મીનાક્ષી તિવારી