નજર ન લાગે તે માટે લોકો ગાડીઓમાં ચુંદડી, દરવાજા પર લીંબુ-મરચા બાંધે છે, તો મોબાઇલ પર કેમ કશુ નથી બાંધતા?

સ્કવેર કટ-અધીર અમદાવાદી

= નજર ન લાગે તે માટે લોકો ગાડીઓમાં ચુંદડી, દરવાજા પર લીંબુ-મરચા બાંધે છે, તો મોબાઇલ પર કેમ કશુ નથી બાંધતા?

• મુકેશકુમાર જે. ખત્રી, અમદાવાદ
• હોય, હું મોબાઇલમાં લીંબુ-મરચાંનો ફોટો રાખું છું.
  = પત્નીને (પોતાની) સમજવી આટલી અઘરી કેમ હોય છે?
• કૌશલ પંડયા, અમદાવાદ
• એ કૌશલ્ય બધામાં નથી હોતું.
  = મેહોણા (મહેસાણા) વિશે તમે શું કહેશો??
• નિકુંજકુમાર પૂનમચંદ વાણિયા, મહેસાણા
• ચ્યમ લ્યા? મોંમાની પરીક્ષા લે છ?
  = હલકુ લોહી હવાલદારનું આ કહેવત ક્યારથી પડી?
• એ. કે ગોસર, વાંકાનેર
• હવાલદાર સાથે કોક સાહિત્યકારને વાંકું પડયું હશે.
  = પુરુષોના હાથરૂમાલ મોટા અને સ્ત્રીના નાના એનું શું કારણ?
• ચંદ્રેશ કે. મહેતા, ભરૂચ
• સાડી-દુપટ્ટામાં વધારે વાપરે એ સરભર કરવા.
  = જીવનનો ઘાટ કેવી રીતે બદલાય?
• પ્રકાશભાઇ મકવાણા, રાજકોટ
• ઘાટ ઘાટના પાણી પીવાથી.
  = કોઈ કહે છે સિંહ બચાવો, કોઈ કહે છે માનવજિંદગી બચાવો; તમે શું કહેશો?
• કનુભાઈ પરમાર, દામનગર
• અત્યારે તો છોકરાઓ બચાવો.
  = શું તમને સ્ક્વેર કટ મૂકી ફૂટબોલ તરફ ધ્યાન આપવાની ઈચ્છા નથી થતી?
• જય સોની, વડોદરા
• એક મેચમાં જેટલી સ્ક્વેર કટ વાગે એટલા ગોલ ના થાય.
  = પત્ની અને વરસાદમાં શું સમાનતા છે?
• શશિકાંત જીવનદાસ દેસલે, સનિયા કણદે, સુરત
• બંને હાઇડ્રોપાવર છે.
  = કાર લેવી કે નાવડી લેવી?
• હંસાબેન ભરુચા, વિરાર
• જેનું લાઇસન્સ હોય એ.
  = પાણીપુરી પર જીએસટી હોય તો કેટલું કલેક્શન થાય?
• અર્પણ જાની, અમદાવાદ
• પાકિસ્તાનના જીડીપી જેટલું.
  = પત્ની ફૂંફાડા મારતી હોય તો શું કરાય?
• નરેશભાઈ બી. પરમાર, ભરૂચ
• આ માવો ખાવા જવાનો રિવાજ ક્યાંથી આવ્યો ખબર છે?
  = લગ્નના વીસ વરસ પછી પત્ની મેરેજ સર્ટિફિકેટ ધ્યાનથી જોતી હોય તો શું સમજવું?
• સંજય ત્રિવેદી, અમદાવાદ
• એ મેરેજની એક્સપાયરી ડેટ શોધતી હશે.
  = તમને સવાલના બદલે રસ 'માધુરી' મોકલું તો ચાલે?
• શિવમ વી. યાજ્ઞિાક, રાજકોટ
• તો મને એમાં વધુ રસ પડે.
  = 'જ્યાં ન પહોચે રવિ, ત્યાં પહોંચે કવિ અને જ્યાં ન પહોંચે કવિ ત્યાં પહોંચે----? પૂરું કરો.
• યશપાલસિંહ ટી. વાઘેલા, થરા (બનાસકાંઠા)
• ઉઘરાણીવાળા.
  = વરસાદમાં કોઈ લેડીઝનું બંધ એકટીવા ચાલુ કરી આપીએ તે કઈ સેવા કહેવાય?
• મહાસુખ દરજી, અમદાવાદ
• પુરુષોની હાય લાગે તેવી સેવા.
  = અમદાવાદમાં દીપડો આવ્યો હવે?
• અમૃત સોલંકી, બોટાદ
• હવે દીપડામાં અમદાવાદ આવશે. રૂકો જરા.
  = અત્યારે ખોરાકમાં ભેળસેળ ખૂબ ચાલે છે તો ભેળ ખવાય કે નહીં ?
• મિત હાથી, વડોદરા
• સેળ છૂટી પાડીને ખવાય.
  = શોલેમાં ધર્મેન્દ્રને પાણીની ટાંકી પર કોણે ચઢાવ્યો?
• ચિરાગ પંચાલ, મધવાસ (લુણાવાડા)
• દારૂએ.
  = દક્ષિણ ભારતમાં લુંગી કેટલી ઊંચી છે એનાથી ખબર પડે કે ગરમી કેવી છે, ગુજરાતમાં શું જોવાથી ખબર પડે કે કેટલો વરસાદ છે?
• હરેશ લાલવાણી, અમદાવાદ
• કેટલા બાઇક ચલાવીને જાય છે ને કેટલા ખેંચીને, એ પરથી.