‘આપણે પહેલા ક્યારેય ભારતના આટલા નજીક નહોતા’, ટ્રમ્પે PM મોદીના કર્યા ભરપૂર વખાણ
Summarized by AI; it may make mistakes. Check important info
Summarized by AI; it may make mistakes. Check important info
US President Donald Trump Praises PM Modi : અમેરિકાના રાષ્ટ્રપ્રમુખ ડોનાલ્ડ ટ્રમ્પે દિલ્હીમાં યોજાયેલી અમેરિકી સ્વતંત્રતા દિવસની ઉજવણીમાં લાઈવ વીડિયો કોલ પર આવીને વડાપ્રધાન નરેન્દ્ર મોદીની પ્રશંસા કરી છે. તેમણે જણાવ્યું કે, તેઓ વડાપ્રધાન મોદીને ખૂબ પસંદ કરે છે, મોદી તેમના મિત્ર છે અને ભારત તેમના પર 100 ટકા ભરોસો રાખી શકે છે.
સરપ્રાઈઝ : સીધો જ દિલ્હીમાં કર્યો ‘લાઈવ કૉલ’
અમેરિકાના સ્વતંત્રતા દિવસની આ ઉજવણીમાં અમેરિકાના નવા રાજદૂત સેર્જિયો ગોર હાજર હતા, જેઓ રાષ્ટ્રપ્રમુખ ટ્રમ્પના ખૂબ નજીકના ગણાય છે. તેમણે આ ઉજવણી દરમિયાન એક મોટું સરપ્રાઈઝ આપતાં સીધો ડોનાલ્ડ ટ્રમ્પને લાઈવ કોલ જોડી આપ્યો હતો, જેથી દિલ્હીમાં હાજર તમામ લોકો સીધા ટ્રમ્પ સાથે વાતચીત કરી રહ્યા હતા.
‘મોદી ખૂબ સારા છે, તેઓ મારા મિત્ર છે’
રાષ્ટ્રપ્રમુખ ટ્રમ્પે સૌથી પહેલા પીએમ મોદી વિશે વાત કરતા કહ્યું કે, ‘હું વડાપ્રધાનને ખૂબ પસંદ કરું છું. મોદી ખૂબ સારા છે, તેઓ મારા મિત્ર છે.’ તેમણે એમ પણ કહ્યું કે, ભારત અને અમેરિકાના સંબંધો પહેલા ક્યારેય આટલા સારા નહોતા જેટલા અત્યારે છે.
આ પણ વાંચો : IPL-2026 પ્લેઓફનું ચિત્ર સાફ : રાજસ્થાન ચોથી ટીમ બની, મુંબઈ હારતા વધુ બે ટીમો બહાર
ભારત અમેરિકા પર 100% વિશ્વાસ રાખે : ટ્રમ્પ
આ સાથે જ રાષ્ટ્રપ્રમુખ ટ્રમ્પે ભારતને પૂરો ભરોસો આપતાં કહ્યું કે, જો ભારતને ક્યારેય પણ કોઈ મદદની જરૂર હોય તો તેઓ જાણે છે કે કોને બોલાવવાનું છે અને તેનો જવાબ છે, અમેરિકાને. તેમણે સ્પષ્ટ કહ્યું કે, ભારત તેમના પર અને તેમના દેશ પર 100 ટકા વિશ્વાસ રાખી શકે છે.
મોદી અને ટ્રમ્પની દોસ્તી ગાઢ
અમેરિકાના રાષ્ટ્રપ્રમુખ આ રીતે અન્ય કોઈ દેશમાં ચાલી રહેલી ઉજવણીમાં લાઈવ જોડાય અને તે દેશના વડાપ્રધાનની આટલી બધી પ્રશંસા કરે તેવું ખૂબ ઓછું જોવા મળે છે. આ બાબત સાબિત કરે છે કે વડાપ્રધાન મોદી અને ટ્રમ્પની દોસ્તી કેટલી ગાઢ છે અને આ સમયે ભારત-અમેરિકાના સંબંધો કેટલા મજબૂત સ્થિતિમાં છે.
