(પીટીઆઇ) દેહરાદૂન, તા. ૧૪

૧૪ વર્ષ જૂના આવકથી વધુ સંપત્તિના કેસમાં નોકરીમાં ચાલુ ઇન્કમ ટેક્સ કમિશનરને સાત વર્ષની જેલની કડક સજા અને ૩.૫૦ કરોડ રૃપિયાનો દંડ ફટકારવામાં આવ્યો છે. 

સીબીઆઇના વિશેષ જજ સુજાતા સિંહે ઇન્કમ ટેક્સ કમિશનર સ્વેતાભ સુમનની ૯૦ વર્ષીય માતા ગુલાબ દેવીને એક વર્ષની સજા ફટકારવામાં આવી છે. 

આઇપીસી હેઠળ દોષિત ઠેરવવામાં આવ્યા પછી પુત્ર-માતા ઉપરાંત આઇટી કમિશનરના બનેવી અરૃણકુમાર સિંહ અને તેમના નજીકના સહયોગી રાજેન્દ્ર વિક્રમ સિંહને પણ ચાર વર્ષની જેલની સજા આપવામાં આવી છે. 

એપ્રિલ, ૧૯૯૭થી લઇને માર્ચ, ૨૦૦૪ સુધીમાં દેહરાદૂન, ગાઝિયાબાદ, બિહાર અને ઝારખંડમાં આવકની વધુ સંપત્તિ પકડવામાં આવતા ૨૦૦૫માં સીબીઆઇએ આઇટી કમિશનર વિરુદ્ધ એફઆઇઆર દાખલ કરી હતી. 

ઉલ્લેખનીય છે કે  ૫૦ લાખ રૃપિયાની લાંચ માગવાના અન્ય કેસમાં સીબીઆઇએ ૧૯૮૮ની બેન્ચના આઇઆરએસ અધિકારી સુમનની ધરપકડ કરી હતી.