LPG ગ્રાહકો ચેતજો! 1 જુલાઈથી બદલાઈ રહ્યા છે નિયમો, ભૂલ કરી તો કટ થઈ જશે કનેક્શન
Summarized by AI; it may make mistakes. Check important info
Summarized by AI; it may make mistakes. Check important info
LPG Rules Change : ઈન્ડેન, ભારત ગેસ અને એચપી ગેસના ગ્રાહકો માટે 1 જુલાઈથી એલપીજી સિલિન્ડરના નિયમો બદલાવા જઈ રહ્યા છે. કેન્દ્ર સરકારના નવા આદેશ મુજબ, જો તમે કેટલીક બાબતોનું ધ્યાન નહીં રાખો તો તમારું ગેસ કનેક્શન કપાઈ શકે છે અથવા સિલિન્ડર બુકિંગમાં મુશ્કેલી આવી શકે છે.
PNG કનેક્શન હશે તો LPG કટ
નવા નિયમ અનુસાર, જે વિસ્તારોમાં પાઈપલાઈન (PNG) દ્વારા ગેસ સુવિધા ઉપલબ્ધ છે, ત્યાંના ગ્રાહકોએ PNGમાં ટ્રાન્સફર થવું પડશે. જો તમારી પાસે પહેલેથી જ PNG કનેક્શન છે, તો તમારું LPG કનેક્શન 1 મહિનાની અંદર કાપી દેવામાં આવશે. જો તમે જાતે કનેક્શન સરેન્ડર કરશો, તો તમને એક કૂપન મળશે જેનાથી ભવિષ્યમાં જરૂર પડ્યે કનેક્શન ફરી એક્ટિવ કરી શકાશે. આ માટે સરકારે આપેલી 3 મહિનાની સમયસીમા જૂનના અંતમાં પૂરી થઈ રહી છે.
30 જૂન સુધીમાં E-KYC જરૂરી
તમામ ગેસ ગ્રાહકો માટે ઈ-કેવાયસી કરાવવું ફરજિયાત છે, જેની છેલ્લી તારીખ 30 જૂન છે. જો તમે આ પ્રક્રિયા પૂરી નહીં કરો, તો તમારું કનેક્શન બ્લોક થઈ શકે છે અને આગામી સિલિન્ડરનું બુકિંગ અટકી જશે. જેમણે આ કામ પૂરું કરી લીધું છે, તેમણે કશું કરવાની જરૂર નથી.
બીજા સિલિન્ડરના બુકિંગ નિયમોમાં રાહતની આશા
હાલમાં નવું સિલિન્ડર બુક કરાવવા માટે શહેરોમાં 25 દિવસ અને ગામડાઓમાં 45 દિવસની રાહ જોવી પડે છે. પશ્ચિમ એશિયામાં તણાવ ઓછો થતાં સરકારે કોમર્શિયલ ગેસના પ્રતિબંધો હટાવી લીધા છે, જેથી 1 જુલાઈથી ઘરગથ્થુ ગેસના ફરીથી બુકિંગ કરવાના દિવસોનો આ સમયગાળો પણ ઘટે તેવી પૂરી શક્યતા છે. જો કે, આ અંગે હજુ સત્તાવાર જાહેરાત બાકી છે.
