Delhi MCD Election WradWise Winners List : દિલ્હી મ્યુનિસિપલ કોર્પોરેશન(MCD)માં 12 બેઠકો માટે પેટાચૂંટણીનું 30 નવેમ્બરે મતદાન થયા બાદ આજે (ત્રણ ડિસેમ્બર) પરિણામ જાહેર થયું છે. ચૂંટણી પંચે જાહેર કરેલા પરિણામમાં ભાજપની બેઠકમાં ઘટાડો, જ્યારે કોંગ્રેસને ફાયદો થયો છે. આમ તો એમસીડીની ચૂંટણીમાં ભાજપનો દબદબો યથાવત્ રહ્યો છે, પરંતુ પાર્ટીની બે બેઠકો ઘટી ગઈ છે.
ભાજપે 12 વૉર્ડમાંથી સાતમાં જીત મેળવી
એમસીડીમાં 12 વૉર્ડમાં યોજાયેલ પેટાચૂંટણીમાં કુલ 51 ઉમેદવારોનો આજે ફેંસલો થઈ ગયો છે. આ ચૂંટણીમાં ભાજપે 12 વૉર્ડમાંથી સાત વૉર્ડ પર જીત મેળવી લીધી છે. જ્યારે આમ આદમી પાર્ટી (AAP)એ ત્રણ અને કોંગ્રેસે એક બેઠક જીતી છે. AAP ગત ચૂંટણીમાં પણ ત્રણ બેઠકો જીતી હતી અને હાલમાં પણ ત્રણ બેઠકો જીતી છે, પરંતુ ચાંદની મહલ અને ચાંદની ચોકની બેઠક હારી ગઈ છે.
ભાજપે બે વૉર્ડ ગુમાવ્યા
ભાજપની સંગમ વિહાર અને નારાયણા વૉર્ડમાં હાર થઈ છે. વિહારમાં કોંગ્રેસનો અને નારાયણામાં AAPનો વિજય થયો છે. જ્યારે ભાજપે આમ આદમી પાર્ટીની ચાંદની ચોક બેઠક જીતી લીધી છે. અગાઉ કોંગ્રેસ પાસે આ બેઠકોમાંથી એક પણ બેઠક ન હતી, જોકે હવે કોંગ્રેસે એક બેઠક પર જીત મેળવી છે.
આ પણ વાંચો : વધુ એક રાજ્યમાં મહારાષ્ટ્ર જેવો 'ખેલ' કરશે ભાજપ! કોંગ્રેસનું ગઠબંધન તૂટે તેવી અટકળો તેજ
12 વૉર્ડના પરિણામ
|
વૉર્ડનું નામ
|
વિજેતા પક્ષ |
વિજેતા ઉમેદવાર |
જીતનું માર્જિન |
|
વિનોદ નગર |
BJP |
સરલા ચૌધરી |
1769 |
|
દ્વારકા બી |
BJP |
મનીષા દેવી |
9100 |
|
અશોક વિહાર |
BJP |
વીના અસીજા |
405 |
|
ગ્રેટર કૈલાશ |
BJP |
અંજુમ મોડેલ |
4165 |
|
દિંચાઉં કલા |
BJP |
રેખા રાની |
5637 |
|
ચાંદની મહેલ |
(AIFB |
મોહમ્મદ ઇમરાન |
- |
|
મુંડકા |
AAP |
અનિલ |
1577 |
|
સંગમ વિહાર એ |
Congress |
સુરેશ ચૌધરી |
3628 |
|
શાલીમાર બાગ બી |
BJP |
અનિતા જૈન |
10101 |
|
દક્ષિણ પુરી |
AAP |
રામ સ્વરૂપ કનૌજિયા |
2262 |
|
ચાંદની ચોક |
BJP |
સુમન કુમાર ગુપ્તા |
1182 |
|
નારાયણા |
AAP |
રાજન અરોરા |
148 |
અગાઉની ચૂંટણીનું પરિણામ
ડિસેમ્બર 2022માં નગર નિગમની ચૂંટણી 250 બેઠકો પર યોજાઈ હતી. પાર્ટીની સ્થિતિમાં થયેલા અનેક ફેરફારો બાદ વર્તમાન MCD સદનમાં ભાજપના 115 કાઉન્સિલરો છે. ભાજપનો લક્ષ્ય પેટા-ચૂંટણીઓમાં 12-0થી જીત મેળવવાનો છે, જેથી 250 સભ્યો ધરાવતા નગર નિગમ સદનમાં 125ના સંપૂર્ણ બહુમતીના આંકડા સુધી પહોંચી શકાય. સદનમાં વર્તમાનમાં AAPના 99 કાઉન્સિલરો છે.
