India

બિસ્લેરીનું પાણી પણ શુદ્ધ નથી, તપાસમાં મળ્યા કેન્સરના ખતરનાક કેમિકલ; FSSAI એ કરી કડક કાર્યવાહી

By GS Team
22 Nov 20262 mins read
TukuTouch Logo
FSSAI એ બિસ્લેરી ઇન્ટરનેશનલ સામે કાર્યવાહીને મંજૂરી આપી છે. 22 નવેમ્બર, 2026ના રોજ આ નિર્ણય લેવાયો. કંપનીના પેકેજ્ડ પાણીના સેમ્પલમાં બ્રોમેટ અને હાઈડ્રોકાર્બન્સ જેવા જોખમી તત્વો નિર્ધારિત મર્યાદા કરતાં વધુ પ્રમાણમાં મળી આવ્યા હતા. આ સેમ્પલ સીધા બિસ્લેરીના પરિસરમાંથી લેવાયા હતા. અસુરક્ષિત પાણી વેચવા બદલ ફૂડ સેફ્ટી એક્ટ, 2006 હેઠળ કાર્યવાહી કરાશે.

Summarized by AI; it may make mistakes. Check important info

બિસ્લેરીનું પાણી પણ શુદ્ધ નથી, તપાસમાં મળ્યા કેન્સરના ખતરનાક કેમિકલ; FSSAI એ કરી કડક કાર્યવાહી

FSSAI Approves Prosecution Against Bisleri: ફૂડ સેફ્ટી એન્ડ સ્ટાન્ડર્ડ ઓથોરિટી ઓફ ઈન્ડિયાએ 22 નવેમ્બર 2026ના રોજ જાણીતી પેકેજ્ડ વોટર કંપની બિસ્લેરી ઈન્ટરનેશનલ (Bisleri International) સામે કાયદેસરનો કેસ ચલાવવાની મંજૂરી આપી છે. અસુરક્ષિત પેકેજ્ડ ડ્રિંકિંગ વોટર વેચવાના મામલે આ કાર્યવાહી કરવામાં આવી છે.

પાણીના સેમ્પલમાં મળ્યા જોખમી તત્વો

બ્રોમેટ અને હાઈડ્રોકાર્બન્સની માત્રા વધુ: FSSAI ની તપાસમાં બિસ્લેરી ઈન્ટરનેશનલના પેકેજ્ડ ડ્રિંકિંગ વોટરના નમૂનામાં નિર્ધારિત મર્યાદા કરતા વધુ પ્રમાણમાં 'બ્રોમેટ' (Bromate) અને 'પોલીન્યુક્લિયર એરોમેટિક હાઈડ્રોકાર્બન્સ' (Polynuclear Aromatic Hydrocarbons) મળી આવ્યા છે. જેના કારણે આ પાણીને સ્વાસ્થ્ય માટે અસુરક્ષિત જાહેર કરવામાં આવ્યું છે.

કંપનીના પરિસરમાંથી લેવાયા હતા સેમ્પલ

પ્રથમ અને બીજી તપાસમાં ફેલ: પ્રથમ તપાસમાં પાણીમાં 'બ્રોમેટ' (Bromate) ની માત્રા નિર્ધારિત મર્યાદા કરતા વધુ મળી આવી હતી. કંપનીએ તેના પર વાંધો ઉઠાવતા બીજી વખત તપાસ કરવામાં આવી, પરંતુ તેમાં પણ પાણી અસુરક્ષિત જણાયું અને તેમાં કેન્સર પેદા કરતા 'PAHs' (Polynuclear Aromatic Hydrocarbons) જેવા જોખમી તત્વો મળી આવ્યા.

સીધા પરિસરમાંથી લેવાયા હતા સેમ્પલ: ખાસ વાત એ છે કે પાણીના આ સેમ્પલ બજારમાંથી નહીં, પરંતુ સીધા બિસ્લેરી કંપનીના પરિસરમાંથી જ લેવામાં આવ્યા હતા. બ્રોમેટ અને PAHs બંનેને કેન્સર સાથે જોડાયેલા પદાર્થોની શ્રેણીમાં રાખવામાં આવે છે. 50 વર્ષથી વધુ જૂની આ બ્રાન્ડ સામે ફૂડ સેફ્ટી એક્ટ, 2006 હેઠળ કેસ ચલાવવામાં આવશે.

એનર્જી ડ્રિંક લેબલ મામલે પણ FSSAIની કડકાઈ

મોટી કંપનીઓ સાથે વિવાદ: આ ઘટના એવા સમયે સામે આવી છે, જ્યારે FSSAI વિવિધ બેવરેજ કંપનીઓની તપાસ કરી રહ્યું છે. અગાઉ જૂન મહિનામાં FSSAI એ 'એનર્જી ડ્રિંક' (Energy Drink) ના લેબલના ઉપયોગ પર વાંધો ઉઠાવ્યો હતો, કારણ કે આ પીણાંમાં ખાંડનું પ્રમાણ ખૂબ જ વધુ હોય છે, અને આવા લેબલથી ગ્રાહકો ગેરમાર્ગે દોરાઈ શકે છે.

રેડ બુલને કોર્ટમાંથી સ્ટે, જાન્યુઆરીમાં સુનાવણી: રેડ બુલ (Red Bull), પેપ્સિકો, મોન્સ્ટર બેવરેજ અને રિલાયન્સ કન્ઝ્યુમરે FSSAI ના આ આદેશને દિલ્હી હાઈકોર્ટમાં પડકાર્યો છે. હાલમાં
રેડ બુલને કોર્ટ તરફથી સ્ટે મળ્યો છે, જેનાથી તે હાલ એનર્જી ડ્રિંક લેબલનો ઉપયોગ ચાલુ રાખી શકે છે, જ્યારે અન્ય કંપનીઓને વર્તમાન સ્ટોક પૂરો થયા બાદ આ લેબલ બંધ કરવા જણાવાયું છે. FSSAI એ રેડ બુલને મળેલી રાહતને પણ પડકારી છે, જેની આગામી સુનાવણી જાન્યુઆરીમાં થશે.