આર્ટિકલ 35એ અંગે ચાલુ સપ્તાહમાં સુનાવણી થશે : સુપ્રીમ
Updated: Feb 26th, 2019
(પીટીઆઇ) નવી દિલ્હી, તા.25 ફેબ્રુઆરી, 2019, સોમવાર
સુપ્રીમ કોર્ટ કલમ ૩૫એની બંધારણ કાયદેસતા નક્કી કરવા અંગે કરાયેલી અરજીઓની સુનાવણી ચાલુ સપ્તાહમાં જ કરશે. આ સુનાવણી ૨૬થી ૨૮ ફેબુ્રઆરી દરમિયાન થવાની શક્યતા છે.
આ કલમને કારણે જમ્મુ-કાશ્મીરમાં ત્યાંના મૂળ નિવાસીઓ સિવાય અન્ય કોઇ પણ રાજ્યનો નાગરિક ત્યાં મિલકત ખરીદી શકતો નથી અને ત્યાંનો નાગરિક પણ બની શકતો નથી. આજે સરકાર કે અરજદારો તરફથી આ અરજીની તાત્કાલિક સુનાવણીની માગ કરવામાં ન આવતાા આ કેસની આજે સુનાવણી શક્ય બની ન હતી.
આ સંવેદનશીલ મુદ્દાની સુનાવણીને પગલે સમગ્ર જમ્મુ-કાશ્મીરમાં મોટી સંખ્યામાં સુરક્ષા જવાનો તૈનાત કરવામાં આવ્યા છે. કલમ ૩૫એની જોગવાઇ મુજબ જમ્મુ-કાશ્મીરની કોઇ યુવતી અન્ય રાજ્યના યુવક સાથે લગ્ન કરે છે તો તે જમ્મુ-કાશ્મીરમાં સંપત્તિના અધિકારથી વંચિત કરી દેવામાં આવશે.