વક્ફ બિલનો વિરોધ, RSS પર બૅન... મહાવિકાસ અઘાડીને સમર્થન આપવા ઉલેમા બોર્ડે મૂકી 17 શરત
Summarized by AI; it may make mistakes. Check important info
Summarized by AI; it may make mistakes. Check important info
Maharashtra Election 2024: મહારાષ્ટ્રમાં આગામી વિધાનસભા ચૂંટણીને લઈને રાજકીય ગરમાવો વધી ગયો છે. આ દરમિયાન ઓલ ઈન્ડિયા ઉલેમા બોર્ડે મહાવિકાસ અઘાડી (MVA)ને સમર્થન આપવાનો પ્રસ્તાવ મૂકતા 17 શરતો આગળ મૂકી છે. ઓલ ઈન્ડિયા ઉલેમા બોર્ડ મહારાષ્ટ્રમાં 48 જિલ્લામાં કાર્યરત છે. બોર્ડે MVA નેતાઓ ઉદ્ધવ ઠાકરે, શરદ પવાર અને નાના પટોલેને પત્ર મોકલ્યો છે, જેમાં સ્પષ્ટ કરવામાં આવ્યું હતું કે જો એમવીએ તેમની શરત સ્વીકારશે તો જ તેઓ મહારાષ્ટ્ર વિધાનસભા ચૂંટણીમાં તેમનું સમર્થન કરશે.
ઓલ ઈન્ડિયા ઉલેમા બોર્ડના નિયમો અને શરતો
1. વકફ બિલનો વિરોધ.
2. નોકરીઓ અને શિક્ષણમાં 10% મુસ્લિમ અનામત.
3. મહારાષ્ટ્રના 48 જિલ્લામાં કમિશનર દ્વારા મસ્જિદો, કબ્રસ્તાન અને દરગાહની જપ્ત કરાયેલી જમીનનો સર્વે કરાવવાના આદેશ આપવામાં આવે.
4. મહારાષ્ટ્રના વક્ફ બોર્ડના વિકાસ માટે રૂ. 1000 કરોડનું ફંડ આપવું.
5. વર્ષ 2012 થી 2024 સુધી રમખાણો ફેલાવવાના આરોપમાં જેલમાં બંધ નિર્દોષ મુસ્લિમોને મુક્ત કરવાની માંગ.
6. મૌલાના સલમાન અઝહરીને જેલમાંથી બહાર કાઢવા માટે MVAના 30 સાંસદોએ પીએમ મોદીને પત્ર લખે.
7. સરકાર મહારાષ્ટ્રમાં મસ્જિદોના ઈમામ અને મૌલાનાને દર મહિને 15,000 રૂપિયા આપવાનું વચન આપે.
8. પોલીસ ભરતીમાં મુસ્લિમ યુવાનોને પણ પ્રાથમિકતા આપવી.
9. મહારાષ્ટ્રમાં શિક્ષિત મુસ્લિમ સમુદાયને વિવિધ ભરતીમાં પ્રાથમિકતા આપવી.
10. ઇન્ડિયા એલાયન્સ રામગીરી મહારાજ અને નિતેશ રાણેને જેલમાં નાખવાનો વિરોધ કરે.
11. મહારાષ્ટ્રમાં ઈન્ડિયા એલાયન્સ સાથી પક્ષો સત્તામાં આવ્યા પછી, ઓલ ઈન્ડિયા ઉલેમા બોર્ડના મુફ્તી મૌલાના, અલીમ હાફિઝ મસ્જિદના ઈમામને સરકારી સમિતિમાં સામેલ કરવા..
12. મહારાષ્ટ્ર વિધાનસભાની 2024ની ચૂંટણીમાં મુસ્લિમ સમુદાયના 50 ઉમેદવારોને ટિકિટ આપવી.
13. મહારાષ્ટ્ર સરકારે રાજ્ય વક્ફ બોર્ડમાં 500 કર્મચારીઓની ભરતી કરવી..
14. મહારાષ્ટ્ર રાજ્ય વક્ફ બોર્ડની મિલકતો પરના અતિક્રમણને દૂર કરવા માટે મહારાષ્ટ્ર વિધાનસભામાં કાયદો પસાર થવો જોઈએ.
15. પયગંબર મુહમ્મદ વિરુદ્ધ બોલનારા લોકો પર કાયદાકીય નિયંત્રણો લાદવા માટે કાયદો બનાવવો.
16. જ્યારે ઇન્ડિયા એલાયન્સ ભાગીદારો મહારાષ્ટ્રમાં સરકાર બનાવે છે, ત્યારે RSS પર પ્રતિબંધ મૂકવો.
17. મહારાષ્ટ્ર વિધાનસભા ચૂંટણી 2024 ઇન્ડિયા એલાયન્સના પ્રચાર માટે 48 જિલ્લાઓમાં ઓલ ઈન્ડિયા ઉલેમા બોર્ડને જરૂરી મશીનરી પૂરી પાડવી.
