પરીક્ષામાં ગરબડો સામે આંદોલન કરતા વિદ્યાર્થીઓ અસામાજિક તત્વો નથીઃ હાઈકોટ

પરીક્ષમાં ગરબડો સામે આંદોલન કરવાનો વિદ્યાર્થીઓને અધિકાર્ર

પરીક્ષત્રા કોઈ ઘોટાળા વિના યોજાય તે જોવા માટે રાજ્ય સરકાર બંધાયેલી છેઃ જોકે, વિદ્યાર્થીઓને અભ્યાસમાં પ્રવૃત્ત થવાની પણ હાઈકોર્ટની અપીલ

મુંબઈ -  એમપીએસસી  પરીક્ષાઓમાં કથિત ગેરરીતિઓ સામે વિરોધ કરી રહેલા વિદ્યાર્થીઓ અસામાજિક તત્વો નથી  એમ  બોમ્બે હાઈકોર્ટે બુધવારે જણાવીને ભાર મૂક્યો હતો કે રાજ્ય સરકાર જાહેર ભરતી પરીક્ષાઓ નિષ્પક્ષ રીતે યોજાય તે સુનિશ્ચિત કરવા માટે બંધાયેલી છે.

મુખ્ય ન્યાયાધીશ મહેશ ચંદ્ર ત્રિપાઠી અને ન્યાયાધીશ અદ્વૈત સેઠનાની બેન્ચે નોંધ્યું હતું કે સરકારે ખાતરી આપવી પડશે કે જ્યારે પણ પરીક્ષાઓ લેવામાં આવે છે ત્યારે તે  નિષ્પક્ષ, ન્યાયી અને કોઈપણ ગેરરીતિ વિના હોય.

 મહારાષ્ટ્ર પબ્લિક સવસ કમિશન (એમપીએસસી)ની પરીક્ષાઓમાં કથિત ગેરરીતિઓ અને પરીક્ષા સંબંધિત વિવાદોને લઈને વિદ્યાર્થીઓ અને અન્ય લોકો દ્વારા પુણે શહેરમાં ચાલી રહેલા આંદોલનો સામે કોર્ટ પુણેના રહેવાસીઓ દ્વારા દાખલ કરાયેલી અરજી પર સુનાવણી કરી રહી હતી.

બેન્ચે જણાવ્યું હતું કે સરકારે આવી પરીક્ષાઓમાં લોકોનો ખાસ કરીને વિદ્યાર્થીઓનો વિશ્વાસ પુનઃસ્થાપિત કરવા માટે નિષ્ઠાવાન પ્રયાસો સુનિશ્ચિત કરવા પડશે. તેમાં વધુમાં કહેવામાં આવ્યું છે કે પીડિત વિદ્યાર્થીઓને આંદોલન કરવાનો અધિકાર છે. જો તેમને (વિદ્યાર્થીઓને) તક ન મળે અને તેમને ખ્યાલ આવે કે  ં કોઈ છેતરપિંડી થઈ છે, તો તેમને આંદોલન કરવાનો અધિકાર છે. કારણ કે તેમણે કલાકો સુધી અભ્યાસ કર્યો છે,એમ કોર્ટે કહ્યું હતું. 

રાજ્ય સરકાર વતી હાજર રહેલા એડવોકેટ જનરલ મિલિંદ સાઠેએ જણાવ્યું હતું કે અધિકારીઓ વાજબી સંયમ દાખવી રહ્યા છે અને કોઈપણ પ્રદર્શનકારીઓ સામે કોઈ એફઆઈઆર દાખલ કરી નથી. તેમણે વધુમાં કહ્યું કે પ્રદર્શનકારીઓ દ્વારા ઉઠાવવામાં આવેલી મોટાભાગની માંગણીઓ પૂર્ણ કરવામાં આવી છે. તેમની એક માંગ એમપીએસસી ચેરમેનનું રાજીનામું આપવાની હતી. પ્રક્રિયા મુજબ રાજ્યપાલને ભલામણ મોકલવામાં આવી છે અને આગળની કાર્યવાહીની રાહ જોવાઈ રહી છે,એમ સાઠેએ જણાવ્યું હતું.

 આંદોલનકારીઓ સામે કોઈ કેસ ન નોંધવાના સરકારના પગલાની પ્રશંસા કરતા કોર્ટે કહ્યું,  પ્રદર્શનો કરનારા વિદ્યાર્થીઓ છે. તેઓ અસામાજિક તત્વો નથી.  જોકે, કોર્ટે વિદ્યાર્થીઓને તેમના શિક્ષણ અને અભ્યાસમાં પાછા ફરવા પણ કહ્યું કારણ કે હવે કોર્ટ સમક્ષ આ મુદ્દો છે.

વિદ્યાર્થીઓને ભણવા પર ધ્યાન આપવા વિનંતી

હવે આ મામલો કોર્ટના નિયંત્રણમાં છે અને વિશ્વાસ પુનઃસ્થાપિત થવો જોઈએ. તેમની ફરિયાદોનું નિરાકરણ લાવવું જોઈએ. મુક્ત અને ન્યાયી પરીક્ષાઓ થવી જોઈએ. હું જોઈશ કે રાજ્ય કેવી રીતે આગળ વધી રહ્યું છે. તેમણે કોર્ટ પર વિશ્વાસ રાખવો જોઈએ,એમ હાઈકોર્ટે કહ્યું હતું. તેમાં વિદ્યાર્થીઓને તેમના પરિવારોની દુર્દશા ધ્યાનમાં લેવા અને તેમની કોલેજોમાં  પાછા ફરવા વિનંતી કરવામાં આવી હતી.   આ બાળકો નિર્દોેષ છે, પરંતુ હવે તેઓ રસ્તા પર છે. તેમની કારકિર્દીબગડી જશે,એમ મુખ્ય ન્યાયાધીશ ત્રિપાઠીએ તેમને શાંતિપ્રિય શહેર અને નાગરિકોને કોઈ મુશ્કેેલી ન પડે તેની ખાતરી કરવા જણાવ્યું.

ત્રણ  સપ્તાહમાં રોડમેપ રજૂ કરો

 બેન્ચે સરકારને ત્રણ અઠવાડિયામાં રોડમેપ રજૂ કરવા અને રિપોર્ટ રજૂ કરવાનો નિર્દેશ આપ્યો છે. તેણે આ મામલાની વધુ સુનાવણી  પચ્ચીસમી નવેમ્બરના રોજ મુલતવી રાખી છે.

પુણેના રહેવાસીઓ અમિત સુપેકર અને સૌરભ વિરકર દ્વારા દાખલ કરવામાં આવેલી અરજીમાં રાજ્ય સરકાર ઉપરાંત વિરોધ પ્રદર્શનના આયોજકો પ્રમોદ પાટિલ, નીતિન અંધળે અને ચેતન વાગજને પ્રતિવાદી તરીકે નામ આપવામાં આવ્યું છે. એક આયોજકે કહ્યું કે તેઓ તેમનું આંદોલન પાછું ખેંચી લેશે, જ્યારે બાકીના બે આયોજકોએ કોર્ટને જણાવ્યું કે તેઓ પુણેના અધિકારીઓ દ્વારા તેમને આપવામાં આવેલી કોઈપણ જગ્યાએ તેમના આંદોલનને સ્થાનાંતરિત કરવા તૈયાર છે.