વડોદરાઃ ચોરોને બંધ મકાનની જાણ કેવી રીતે થાય છે તે પણ પોલીસ માટે તપાસનો મુદ્દો છે.ગોરવાનું એક પરિવાર  બહારગામ જતાં જ તેમના ફ્લેટનું તાળું તોડીને ચોરો ૨૦તોલાથી વધુ દાગીના ચોરી ગયા હોવાનો બનાવ બન્યો છે.

ગોરવા વર્કશોપ પાસે સિતારામ કોમ્પ્લેક્સમાં રહેતા ઉદયકુમાર શાહે પોલીસને કહ્યું છે કે,ગઇ તા.૨૫મીએ અમે મહાબળેશ્વર ગયા હતા ત્યારે તા.૨૮મીએ પાડોશીએ મકાનનો નકૂચો તૂટયો હોવાની જાણ કરતાં અમે પરત ફર્યા હતા.

તપાસ કરતાં ચોરોએ તિજોરી સહિતનો સામાન રફેદફે કરી સોનાના ૨૦ તોલાથી વધુ દાગીના અને ચાંદીના દાગીના મળી અંદાજે રૃ.૧૦ લાખ જેટલી મત્તા ચોરી ગયા હોવાનું જણાઇ આવ્યું હતું.જેથી ગોરવા પોલીસે ગુનો  નોંધી તપાસ હાથ ધરી છે.