જામનગરના ધ્રોલમાં તીનપત્તીનો જુગાર રમતા 5 ઝડપાયા : રૂ.61,700ની રોકડ તથા ગંજીપત્તા કબજે

Jamnagar Gambling Raid : જામનગર જિલ્લાના ધ્રોલ તાલુકાના હમાપર ગામથી ઇટાળા ગામ તરફ જતા કાચા રસ્તે સોહાર સીમ વિસ્તારમાં ઝાડ નીચે જાહેરમાં તીનપત્તીનો જુગાર રમાતો હોવાની બાતમીના આધારે ધ્રોલ પોલીસે દરોડો પાડ્યો હતો.
દરોડા દરમિયાન મયુરભાઈ ગોરધનભાઈ બેડીયા (ઉ.વ.41), નાજાભાઈ બચુભાઈ ડાંગર (ઉ.વ.41), કાંતીલાલ ઉર્ફે કાનો ગંગારામભાઈ સંતોકી (ઉ.વ.45), નીલેશભાઈ લાલજીભાઈ ગડારા (ઉ.વ.44) તથા વિક્રમભાઈ દેવાભાઈ શિયાર (ઉ.વ.40) મળી આવ્યા હતા. પોલીસે પાંચેયને સ્થળ પરથી ઝડપી લીધા હતા.
પોલીસે તેમની પાસેથી તીનપત્તીના જુગારમાં વપરાતી રૂ.61,700ની રોકડ રકમ તથા ગંજીપત્તા કબજે કર્યા હતા. જ્યારે નારણભાઈ ટપુભાઈ ગડારા (ઉ.વ.72)ને સ્થળ પર નોટિસ આપવામાં આવી હતી. આ અંગે ધ્રોલ પોલીસે જુગારધારા કલમ 12 મુજબ ગુનો નોંધી વધુ કાર્યવાહી હાથ ધરી છે.