ચોંકાવનારી ઘટના: મૃત વ્યક્તિ પાસેથી દેવુ વસૂલવા મહિલાએ લીધા અંગુઠાના નિશાન, પોલીસે કરી ધરપકડ

Shocking incident in Taiwan: તાઈવાનની એક મહિલાએ એક મૃતદેહની પાસે જઈને તેને જોવાના બહાને સાદા કાગળ પર તેના આંગળીઓના નિશાન લેવાની કોશિશ કરતાં પકડાઈ છે. આ મહિલા તેનો ઉપયોગ મૃત વ્યક્તિના દેવાને બદલામાં જમીન ગીરવે માટે ફર્જી દસ્તાવેજો બનાવવા માટે કરવાની હતી.

આ પણ વાંચો: નેસ્લેના નવા સીઈઓએ લીધો મોટો નિર્ણય, 16000 નોકરીઓ પર કાતર મુકાશે

સાઉથ ચાઈના મોર્નિંગ પોસ્ટના રિપોર્ટ પ્રમાણે, SETN ન્યૂઝ આઉટલેટે રિપોર્ટ આપ્યો કે, લિન નામની 59 વર્ષીય મહિલા ઉત્તરપશ્ચિમ તાઇવાનના સિંચુમાં એક સ્મશાનમાં મૃતદેહ પરથી ફિંગરપ્રિન્ટ લેતા રંગે હાથે પકડાઈ ગઈ હતી. આ મામલો ત્યારે પ્રકાશમાં આવ્યો જ્યારે મૃતકના પરિવારે તેના અસામાન્ય વર્તનને કારણે પોલીસને બોલાવી હતી. 

મૃતકે મહિલા પાસેથી લોન લીધી હતી

લી અને પેંગ નામના વ્યક્તિ વચ્ચે લોન અંગે પહેલેથી જ વિવાદ ચાલી રહ્યો હતો. જ્યારે તેને ખબર પડી કે પેંગનું 21 ફેબ્રુઆરીએ મૃત્યુ થયું છે, ત્યારે તે થોડા કલાકો પછી જ અંતિમ સંસ્કાર ગૃહ પહોંચી હતી. તેની સાથે એક ખોટો દસ્તાવેજ અને 280,000 ડોલર એટલે કે આશરે 2.4 કરોડ ભારતીય રુપિયાનો નકલી મોર્ટગેજ દસ્તાવેજ અને પ્રોમિસરી નોટ લઈને આવી.

શ્રદ્ધાંજલિના બહાને અંગૂઠાના છાપ લેવાનું શરૂ કર્યું

અંતિમ સંસ્કાર પહેલાં આ મહિલાએ હાજર કામદારોને કહ્યું કે, તે પેંગની નજીકની મિત્ર છે અને તેને શ્રદ્ધાંજલિ આપવા માંગે છે. જ્યારે પેંગનો મૃતદેહ શબવાહિનીમાં મૂકવામાં આવ્યો, ત્યારે લી વાહનમાં ચઢતાં, શબની બેગ ખોલતા અને કાગળના ટુકડા પર પેંગની ફિંગરપ્રિન્ટ લેતા જોવા મળી હતી.

એક કર્મચારીએ પેંગના પરિવારને ચેતવણી આપી અને તેઓએ પોલીસને ફોન કરવા કહ્યું. અધિકારીઓએ લીની ધરપકડ કરી અને એક નકલી દસ્તાવેજ, એક બેંક ચેક અને એક શાહીપેડ જપ્ત કર્યું હતું.

આ પણ વાંચો: પાકિસ્તાન-અફઘાનિસ્તાન યુદ્ધમાં ચીનની એન્ટ્રી, ટ્રમ્પને પણ આડે હાથ લીધા, જાણો શું આપી પ્રતિક્રિયા

મહિલાને થઈ બે વર્ષની જેલ અને દંડ

લીને સરકારને $1,600 ચૂકવવા તથા સરકારી વિભાગો અથવા લોક કલ્યાણ સંસ્થાઓમાં કુલ 90 કલાક સ્વૈચ્છિક શ્રમ પૂરો પાડવાનો આદેશ આપવામાં આવ્યો હતો. સ્મશાન કેન્દ્રના એક કર્મચારીએ કહ્યું, 'હું બે દાયકાથી અંતિમ સંસ્કાર ગૃહમાં કામ કરી રહ્યો છું. મેં આ પહેલાં ક્યારેય આવું કંઈ જોયું નથી.'