‘હવાઈ હુમલો થાય તો ભારતીયોએ શું કરવું?’, સાઉદીમાં હુથીના એટેક બાદ ભારતે જાહેર કરી એડવાઇઝરી

India Advisory Saudi Arabia Houthi Drone Missile Attacks: સાઉદી અરબમાં થઈ રહેલા ડ્રોન અને મિસાઇલ હુમલાઓ વચ્ચે ભારતે ત્યાં રહેતા પોતાના નાગરિકો માટે નવી એડવાઈઝરી જાહેર કરી છે. ભારતીય દૂતાવાસે લોકોને સતર્ક રહેવાની અપીલ કરી છે, અને હવાઈ હુમલાની સ્થિતિમાં ભારતીયોએ શું કરવું જોઈએ તે અંગે માર્ગદર્શિકા આપી છે. વર્તમાન સમયમાં સાઉદી અરબમાં યમનના હુથી વિદ્રોહીઓ દ્વારા ડ્રોન અને મિસાઇલ હુમલા કરવામાં આવી રહ્યા છે, જેમાં નાગરિકોના ઠેકાણાઓને નિશાન બનાવાયા છે. વર્તમાન સુરક્ષા સ્થિતિને ધ્યાનમાં રાખીને ભારતીય દૂતાવાસે ત્યાં રહેતા તમામ ભારતીયોને સાવધાની રાખવાની સલાહ આપી છે.

હુમલા વખતે ભારતીયોએ શું કરવું?

ભારતીય દૂતાવાસે પોતાની એડવાઈઝરીમાં જણાવ્યું છે કે, સાઉદી અરબમાં રહેતા તમામ ભારતીયો શાંત રહે અને સતર્કતા વર્તે. જો હવાઈ હુમલો થાય, તો ઘરોની અંદર જ રહેવું અને સ્થાનિક પ્રશાસન દ્વારા અધિકૃત માધ્યમોથી જાહેર કરાયેલા નિર્દેશોનું પાલન કરવું. બદલાતી સુરક્ષા સ્થિતિ વચ્ચે નાગરિકોએ સત્તાવાર સૂચનાઓ પર ધ્યાન આપવું જોઈએ.

રિયાધ ઍરપૉર્ટ પર હુમલામાં એક ભારતીયનું મોત

સાઉદી અરબમાં સુરક્ષાને લઈને ચિંતાનું મોટું કારણ 10 ઑક્ટોબરે રિયાધના કિંગ ખાલિદ ઇન્ટરનેશનલ ઍરપૉર્ટ પર થયેલો હુમલો છે. આ હુમલામાં એક ભારતીય નાગરિકનું મોત થયું હતું, જ્યારે 10 ભારતીયો સહિત અનેક લોકો ઘાયલ થયા હતા. દૂતાવાસે સ્પષ્ટ કર્યું છે કે, વર્તમાન પરિસ્થિતિને જોતા ભારતીયોએ ગભરાવાની જરૂર નથી, પરંતુ અત્યંત સાવધાન રહેવાની જરૂર છે. સુરક્ષા સાથે જોડાયેલી માહિતી માટે સત્તાવાર માધ્યમોના દિશા નિર્દેશોનું પાલન કરવું અનિવાર્ય છે.