અમેરિકામાં વાવાઝોડાના કારણે તારાજી: લાખો ઘરોમાં બત્તી ગુલ, 23ના મોત

US News: અમેરિકાના મિડવેસ્ટ અને સાઉથ વિસ્તારમાં શુક્રવારે (16 મે) ભારે વાવાઝોડું જોવા મળ્યું હતું. કેંટકી, મિસૌરી અને વર્જીનિયામાં વાવાઝોડાએ ભારે તબાહી મચાવી હતી. લાખો ઘરોમાં વીજ કનેક્શન ખોરવાયું હતું. આ સિવાય વાવાઝોડાના કારણે 23થી વધુ લોકોના મોત નિપજ્યા છે અને આ સંખ્યા હજુ વધી શકે છે. 

મોતનો આંકડો વધવાની સંભાવના

કેંટકીમાં સ્થિતિ સૌથી વધુ ભયાનક રહી. અહીં રાત્રે 11:30 વાગ્યે પહેલું વાવાઝોડાનું એલર્ટ ફોનમાં વાગ્યું હતું. લૉરેલ કાઉન્ટીમાં 9 લોકોના મોત નિપજ્યા છે, જોકે રાજ્યભરમાં કુલ મૃતકોની સંખ્યા 14 સુધી પહોંચી છે. ગવર્નર એન્ડી બેશયરે પણ આ વાતનો સ્વીકાર કર્યો છે કે,આંકડો હજુ ઉપર જઈ શકે છે. 

આ પણ વાંંચોઃ કેલિફોર્નિયામાં ફર્ટિલિટી ક્લિનિકમાં બોમ્બ બ્લાસ્ટ, એકનું મોત, FBIએ આતંકવાદી કૃત્ય ગણાવ્યું

અનેક ભાગોમાં લગાવાયું કર્ફ્યુ

સેંટ લુઇસમાં પણ વાવાઝોડાના કારણે 5 લોકોના મોત નિપજ્યા છે અને 38 લોકો ઈજાગ્રસ્ત થયા છે. આ સિવાય 5 હજારથી વધુ ઘર પ્રભાવિત થયા છે. મેયર કારા સ્પેંસર અનુસાર, શહેરના અનેક ભાગમાં કર્ફ્યુ લાગવવું પડ્યું હતું, જેથી રેસ્ક્યુ ઓપરેશનમાં કોઈ રૂકાવટ ન આવે. 

હવામાન વિભાગની આગાહી

હવામાન વિભાગે ક્લેટન વિસ્તારમાં બપોરે 2:30થી 2:50ની વચ્ચે વંટોળ આવવાની પુષ્ટિ કરી છે. જંગલ તરફથી આવતી તેજ હવાઓએ સેંટ લુઇસ પ્રાણીસંગ્રહાલયના બટરફ્લાઇ વ્યવસ્થાની છત ઊડી ગઈ હતી. કર્મચારીઓને ભારે મુશ્કેલી સાથે પતંગિયાને ભેગા કર્યા અને તેમને બાજુના કન્ઝર્વેટરીમાં શિફ્ટ કરવામાં આવ્યા. 

આ પણ વાંચોઃ VIDEO : ન્યુયોર્કમાં મેક્સિકન નેવીનું જહાજ બ્રિજ સાથે અથડાયું, 19 ઈજાગ્રસ્ત, 2ના મોત

આ સિવાય એક સ્થાનિક ચર્ચમાં પણ વાવાઝોડાના કારણે તારાજી સર્જાઈ હતી. ચર્ચની એક મહિલાની કાટમાળમાં દબાઈ જવાના કારણે મોત નિપજ્યું છે. 

વર્જીનિયામાં પણ બે લોકોના મોતના સમાચાર સામે આવ્યા છે. વળી, શિકાગોમાં સ્થિત હજુ સ્થાયી નથી થઈ. અહીં અચાનક ધૂળનું તોફાન ઉઠ્યું હતું, જેમાં હવામાન વિભાગે ‘ડસ્ટ સ્ટૉર્મ વોર્નિંગ’ના રૂપે વર્ગીકૃત કર્યું. આ પહેલીવાર હતું જ્યારે શહેરમાં આવું એલર્ટ જાહેર કરવામાં આવ્યું હતું. 

આ વાવાઝોડા દરમિયાન વિસ્કૉન્સિનમાં વાવાઝોડાના કારણે ટેક્સાસમાં ગરમીનું તાપમાન વધી ગયું હતું. હવામાન વિભાગે નૉર્થ ટેક્સાસને લઈને એક નવી ચેતવણી જાહેર કરી છે. જેમાં કરા, તોફાન અને વાવાઝોડાની આશંકા વ્યક્ત કરવામાં આવી છે. 

અમેરિકામાં દર વર્ષે સરેરાશ 1200 વંટોળ આવે છે. પહેલાં આ ઓક્લાહોમા, ટેક્સાસ અને કાન્સાસ જેવા રાજ્યોમાં વધારે થાય છે. પરંતુ, સંશોધન દર્શાવે છે કે, આ ધીમે-ધીમે દક્ષિણ અને પૂર્વ તરફ આગળ વધી રહ્યું છે.