VIDEO: હવામાંથી રમકડાંની જેમ પડ્યું F-35 વિમાન, અમેરિકાના અલાસ્કામાં થયું ક્રેશ

America Plane Crash: અમેરિકાને પોતાના F-35 ફાઇટર જેટ પર ખૂબ જ ગર્વ છે અને તે તેને વિશ્વનું સૌથી અદ્યતન ફાઇટર જેટ કહે છે. પરંતુ, તાજેતરની ઘટનાઓએ આ જેટ વિશે વિશ્વભરમાં આશ્ચર્ય પેદા કર્યું છે. અહેવાલો અનુસાર, અમેરિકન એરફોર્સનું એક F-35 જેટ અલાસ્કામાં ક્રેશ થયું હતું. અકસ્માત પહેલા, પાયલોટે વિમાનને બચાવવા માટે શક્ય તમામ પ્રયાસો કર્યા હતા. વિમાનની ખરાબીને  ઠીક કરવા પાયલોટે લૉકહીડ માર્ટિનના પાંચ એન્જિનિયરો સાથે 50 મિનિટ સુધી હવામાં કોન્ફરન્સ કોલ પર વાત કરી. જ્યારે આ પ્રયાસ નિષ્ફળ ગયો, ત્યારે પાયલોટે પેરાશૂટની મદદથી વિમાનમાંથી કૂદવું પડ્યું અને બાદમાં જેટ અલાસ્કામાં રનવે પર ક્રેશ થયું. અકસ્માતનું કારણ જેટની હાઇડ્રોલિક સિસ્ટમમાં બરફ જામી જવું જણાવવામાં આવ્યું છે. આ બરફના કારણે લેન્ડિંગ ગિયર જામ થઈ ગયા હતા. 

આ પણ વાંચોઃ ટ્રમ્પ-પુતિનને મોટો ઝટકો, ચીને પરમાણુ કાર્યક્રમ મુદ્દે અમેરિકા-રશિયા સાથે વાતચીતનો કર્યો ઈનકાર

બેકાબૂ થયું વિમાન

વિમાનની ઉડાન ભરતાની સાથે જ પાયલોટે ગિયર પાછો ખેંચવાનો પ્રયાસ કર્યો, પરંતુ તે ડાબી બાજુ ફસાઈ ગયો. ફરીથી ગિયર નીચે કરવાનો પ્રયાસ કર્યો પરંતુ તે પણ નિષ્ફળ રહ્યો. જેટના સેન્સરે ખોટો સંકેત આપ્યો કે વિમાન લેન્ડ થઈ ગયું છે, જેના કારણે વિમાન બેકાબૂ થઈ ગયું. પાયલોટે હવામાં જ એન્જિનિયરો સાથે કોન્ફરન્સ કોલ શરૂ કર્યો અને લગભગ 50 મિનિટ સુધી સમસ્યાને ઠીક કરવાનો પ્રયાસ કર્યો. આ દરમિયાન, જામ થયેલા ગિયરને ઠીક કરવા માટે 'ટચ એન્ડ ગો' લેન્ડિંગ કરવાના બે પ્રયાસો કરવામાં આવ્યા, પરંતુ બંને વખત નિષ્ફળ ગયા. અંતે, સેન્સરના ખોટા સિગ્નલોને કારણે, જેટ સંપૂર્ણપણે નિયંત્રણ બહાર થઈ ગયું, અને પાયલોટે પેરાશૂટની મદદથી વિમાનની બહાર કૂદી જવું પડ્યું.

વીડિયો સોશિયલ મીડિયા પર વાઈરલ

અકસ્માત બાદ, જેટ રનવે પર પડી ગયું અને સળગવા લાગ્યું. સોશિયલ મીડિયા પર વાઈરલ થયેલા વીડિયોમાં, જેટ ફરતું અને આગના ગોળામાં ફેરવાતું જોવા મળ્યું. વાયુસેનાની તપાસમાં જાણવા મળ્યું કે જેટના આગળના અને જમણા લેન્ડિંગ ગિયરના હાઇડ્રોલિક પ્રવાહીમાં એક તૃતીયાંશ પાણી હતું, જે -18 ડિગ્રી સેલ્સિયસની ઠંડીમાં થીજી ગયું. આ બરફને કારણે ગિયર જામ થઈ ગયો. આશ્ચર્યજનક રીતે, અકસ્માતના નવ દિવસ પછી, તે જ બેઝ પરના બીજા જેટને પણ 'હાઇડ્રોલિક આઇસિંગ' ની સમસ્યાનો સામનો કરવો પડ્યો, જોકે તે સુરક્ષિત રીતે ઉતર્યું. તપાસમાં સ્પષ્ટ થયું કે કૉલ દરમિયાન લેવામાં આવેલા નિર્ણયો અને ખતરનાક સામગ્રીના સંચાલનમાં બેદરકારી આ અકસ્માતના મુખ્ય કારણો હતા.

આ પણ વાંચોઃ ઘરમાં જ ઘેરાયા ડોનાલ્ડ ટ્રમ્પ, ભારત પર ટેરિફ મુદ્દે અમેરિકન સંસદીય સમિતિએ પૂછ્યાં તીખાં સવાલો

પાયલોટના કૂદ્યા બાદ જેટ રનવે પર પડીને સળગવા લાગ્યું. સોશિયલ મીડિયા પર વાઈરલ વીડિયોમાં જેટને ફરતા અને આગના ગોળામાં ફેરવાતા જોઈ શકાય છે. 

લાંબા સમયથી વિવાદોમાં ઘેરાયેલો પ્રોગ્રામ

લૉકહીડ માર્ટિનનો F-35 કાર્યક્રમ લાંબા સમયથી વિવાદમાં ફસાયેલો છે. તેની ઊંચી કિંમત અને ઉતાવળમાં કરવામાં આવેલા ઉત્પાદનની સતત ટીકા થતી રહી છે. 2021માં જેટની કિંમત 135.8 મિલિયન ડોલર હતી, જે 2024માં ઘટીને 81 મિલિયન ડોલર થઈ ગઈ. તેમ છતાં, અમેરિકન સરકારના અહેવાલ મુજબ, આ કાર્યક્રમ 2088 સુધી ચાલશે અને તેનો કુલ ખર્ચ 2 ટ્રિલિયન ડોલરથી વધુ થશે.