- ઈરાન સામે સાઉદી અરબસ્તાનને ઢાલ અનિવાર્ય છે
- પાકિસ્તાને મોટાભાગના ચીન સાથે બનાવેલાં જે.એફ.-17 ફાઈટર્સ તેમજ, ડ્રોન વિમાનોની બે સ્કવોડ્રન્સ સઉદીમાં મોકલી છે
નવી દિલ્હી : પાકિસ્તાને સઉદી અરબસ્તાનમાં ૮૦૦૦ સૈનિકો, ફાયટર જેટસ તથા એર ડીફેન્સ સીસ્ટમ્સ મોકલ્યાં છે. આ સર્વે તેણે સઉદી અરબસ્તાન સાથે થયેલાં સંરક્ષણ કરારો નીચે મોકલ્યાં છે, રોઈટર્સે આ માહિતી સોમવારે આપી હતી.
ઉલ્લેખનીય છે કે, ઈરાન-અમેરિકા વચ્ચે મુખ્ય મધ્યસ્થી તરીકે પાકિસ્તાન કાર્યરત છે ત્યારે જ તેણે ઈરાન સામે સંરક્ષણની ઢાલ રચવા ભારે શસ્ત્ર સહાય કરી રહ્યું છે.
બંને દેશો વચ્ચે ગત વર્ષે થયેલા સંરક્ષણ કરારો ગુપ્ત રાખવામાં આવ્યા છે. તેટલું જ જાણવા મળ્યું છે કે બેમાંથી એક પણ દેશ ઉપર આક્રમણ થાય તો બીજા દેશે તેની સહાયે જવું. આ સાથે પાકિસ્તાનના સંરક્ષણ મંત્રી ખ્વાજા આસીફે કહ્યું હતું કે આ કરારો દ્વારા સઉદી અરબસ્તાન પાકિસ્તાનની ન્યુક્લિયર અમ્બ્રેલા (પરમાણુ શસ્ત્ર રક્ષણ છત્રી) નીચે આવી જાય છે.
આ કરારો નીચે પાકિસ્તાને ૮૦૦૦ સૈનિકો સઉદી અરબસ્તાનમાં મોકલ્યા છે. ઉપરાંત ચીન સાથે સહકારમાં પાકિસ્તાનમાં જ બનાવેલા જે.એફ. ૧૭ ફાયટર્સની ૧૬ સ્કવોડ્રન્સ તેમજ ડ્રોન વિમાનોની બે સ્કવોડ્રન્સ સઉદી અરબસ્તાનમાં મોકલી છે.
તે સર્વવિધિત છે કે પાકિસ્તાનની કારમી આર્થિક કટોકટીમાં છેવટે સઉદી અરબસ્તાને જ તેને સહાય કરી ડૂબતું બચાવ્યું છે તે ઉપકારના બદલામાં પાકિસ્તાન સઉદી ઉપર નવાજી રહ્યું છે.
