કોલંબિયામાં 6.8 ની તીવ્રતાના ભૂકંપથી અફરાતફરી: મેડેલિનથી બોગોટા સુધી ધરતી ધ્રૂજી

colombia earthquake today: કોલંબિયામાં સોમવારે 6.8ની તીવ્રતાના શક્તિશાળી ભૂકંપના આંચકાથી દેશના અનેક શહેરોમાં ધરતી ધ્રૂજી ઉઠી હતી. ભૂકંપના તીવ્ર આંચકા મેડેલિન, બોગોટા અને કેલી સહિતના વિસ્તારોમાં અનુભવાયા હતા. મેડેલિનમાં સાવચેતીના ભાગરૂપે કેટલીક ઇમારતો અને જાહેર સ્થળોને ખાલી કરાવવામાં આવ્યા હતા.

ભૂકંપનું કેન્દ્ર અને ઊંડાઈ

પ્રારંભિક માહિતી અનુસાર, ભૂકંપનું કેન્દ્ર દેશના પશ્ચિમી ભાગમાં આવેલા ચોકો ક્ષેત્રના 'સેન જોસ ડેલ પાલમાર' પાસે હતું. ભૂકંપની ઊંડાઈ આશરે 82 કિલોમીટર નોંધાઈ હતી.

નાસભાગ અને અફરાતફરી: આંચકા અનુભવાતા જ અનેક વિસ્તારોમાં લોકો ડરના માર્યા ઘરો અને ઇમારતોમાંથી બહાર દોડી આવ્યા હતા.

જાનમાલનું નુકસાન: પ્રાથમિક અહેવાલો મુજબ, કોઈ મોટા નુકસાન કે જાનહાનિના સમાચાર નથી. તંત્ર દ્વારા પરિસ્થિતિ પર સતત નજર રાખવામાં આવી રહી છે, અને અસરગ્રસ્ત વિસ્તારોમાં તપાસ હાથ ધરાઈ છે.

6.8ની તીવ્રતા ધરાવતો ભૂકંપ ઘણો શક્તિશાળી ગણાય છે, જેનાથી ઇમારતોને નુકસાન પહોંચી શકે છે. જોકે નુકસાનનો આધાર ભૂકંપની ઊંડાઈ અને ઇમારતોની મજબૂતી પર રહેલો છે.