VIDEO | વરસાદે ધમરોળ્યું ગુજરાત, ક્યાંક બ્રિજ તૂટ્યો તો ક્યાંક નદી-ડેમ છલકાયાં, જનજીવન ઠપ

Gujarat Rain and Weather Updates| ગુજરાતમાં ભારે વરસાદની સ્થિતિ જોવા મળી રહી છે ત્યારે મોટાભાગના જિલ્લા પાણી પાણી થઈ ગયા છે. કોઈ જગ્યાએ કોઝ વે તૂટ્યો તો કોઈ જગ્યાએ બ્રિજના છેડે સુધી પાણી આવવાની તૈયારી છે. ઘણા જિલ્લામાં નદીઓ અને ડેમ છલકાયા તો ઘણી જગ્યાએ કેડ સમા પાણી ભરાતાં લોકોના ઘરોમાં પાણી ઘૂસી જતાં પૂર જેવી સ્થિતિ સર્જાઈ છે. આ દરમિયાન મુખ્યમંત્રી ભૂપેન્દ્ર પટેલ પણ જિલ્લા કલેક્ટરોને તકેદારીના પગલાં લેવાનો નિર્દેશ આપ્યો હતો. 

મુખ્યમંત્રી પહોંચ્યા સ્ટેટ ઇમરજન્સી ઑપરેશન સેન્ટર 

ભારે વરસાદની સ્થિતિને પગલે મુખ્યમંત્રી ભુપેન્દ્ર પટેલ સ્ટેટ ઇમરજન્સી ઑપરેશન સેન્ટર પહોંચી ગયા છે. મુખ્ય સચિવ રાજ કુમાર, મહેસૂલ, માર્ગ અને મકાન સહિત વિભાગના અધિકારીઓની સાથે જિલ્લા કલેક્ટરો તથા પ્રભારી મંત્રીઓ સાથે વીડિયો કોન્ફરન્સના માધ્યમથી બેઠક યોજાઈ રહી છે, જેમાં રાજ્યમાં વરસાદની સ્થિતિનું આકલન કરવાના પ્રયાસો કરવામાં આવી રહ્યા છે. આ બેઠકમાં હવામાન વિભાગ, એનડીઆરએફ, કોસ્ટ ગાર્ડના અધિકારીઓ પણ હાજર હતા.