વડોદરાના અત્યંત ગીચ માંડવી દરવાજા પાસે ત્રીજા માળે આગ લાગતા ટ્રાફિક બંધ કરાયો

Vadodara Fire : વડોદરાના ચાર દરવાજા વિસ્તારમાં ભારે અવરજવર દરમિયાન માંડવી દરવાજા પાસેની દુકાનમાં આગ લાગતા ફાયર બ્રિગેડની મદદ લેવામાં આવી હતી.

માંડવી દરવાજા પાસે આવેલી દુકાનના ત્રીજા માળે એસીના યુનિટમાં શોર્ટ સર્કિટ થવાને કારણે આગ લાગી હોવાનું મનાય છે. ચાર દરવાજા વિસ્તારમાં સતત વાહન ચાલકો અને રાહદારીઓની ભારે ભીડ રહેતી હોય છે, જેને કારણે ફાયર બ્રિગેડને સ્થળ પર પહોંચતા ખુબ મુશ્કેલી પડી હતી. 

બનાવના સ્થળે પોલીસ પણ આવી ગઈ હતી અને ચાર દરવાજા વિસ્તારનો ટ્રાફિક ડાયવર્ટ કરવામાં આવ્યો હતો. ત્યારબાદ ફાયર બ્રિગેડના જવાનોએ મોઢે માસ્ક અને બી એ સેટ પહેરી પોણો કલાકની જહેમત બાદ આગ કાબુમાં લીધી હતી.

આમ ચાર દરવાજા વિસ્તારમાં આગને કારણે ભારે અફરાતફરીનો માહોલ સર્જાયો હતો.