આકરા તડકામાં અરજદારોની મુશ્કેલી દુર કરવા માંગ
ચાલુ દિવસોમાં પણ સામાન્ય સુચારુ માટે આ સેન્ટરો વાળા મનના નિયમો ગડતા હોવાની રાવ
ભાવનગર - આધારકાર્ડમાં
જરૃરી સુધારા વધારા કરવા ચોક્કસ સેન્ટરો ફાળવાયા છે. પરંતુ ક્યાંક પોતાના મનના નિયમો
લગાડી અરજદારોને પરેશાન કરતા હોવાની ફરીયાદો ઉઠવા પામી છે. જ્યારે આજે હેડ પોસ્ટ
ઓફીસમાં સર્વર જ ઠપ્પ થતા કામગીરી અટકી પડી હતી.
ભાવનગર શહેરમાં ચાલતા આધારકાર્ડના સેનટ્રમાં મુખ્ય ગણાતા હાઈકોર્ટ રોડ મેન
પોસ્ટ ઓફિસમાં આજે સવારથી કોમ્પ્યુટર બંધ થવાની અને સર્વરના ચાલતું હોવાની સતત
ફરિયાદ ઉઠી હતી. જ્યારે ભાવનગર મહાનગરપાલિકા સંચાલિત એસ.ટી. બસ સ્ટેશન પાસેના
સેન્ટરમાં પણ અરજદારને ખોટી રીતે હેરાનગતિ કરાતા હોવાની ફરિયાદ ઉઠી છે. દીકરા
દીકરીના કાર્ડમાં સુધારો કરવા તેના વાલીનું આધારકાર્ડ માંગે ઈ બરાબર પણ
જન્મતારીખનાં દાખલામાં સ્પેલિંગ બરોબર હોઈ તો પણ ગુજરાતીમાં અમને નથી દેખાતું એમ
કહી અરજદારને હેરાન કરવાનું અને માતા પિતા બન્નેને બોલવા અને બપોર બાદ ૩.૩૦ કોઈ
નવા ટોકન નહીં આપવાની ઘરની ધોરાજી ત્યાં બેસેલ કલર્ક દ્વારા ચલાવાતી હોવાની રાવ
ઉઠી છે. લોકો સતત હેરાન થાય છે ને ભાવનગર મહાનગરના કમિશનર કે કલેકટર દ્વારા આ
બાબતે કોઈ તાત્કાલિક પગલાં ભરે નામ સુધારવા માટે સેન્ટર વધારે અને ઘરની ધોરાજી
હાંકતા કર્મચારીને આવા ડેયરેક્ટ પબ્લિક ડીલીગથી દૂર કરવા પૂર્વ સેનેટ મેમ્બર
દ્વારા માંગણી કરાઈ છે.
