ગોત્રી વિસ્તારમાં ચાલતા જુગારધામ પર દરોડો: 17 ઝડપાયા

ગોત્રી વિસ્તારમાં ખંડેર જેવા મકાનમાં ચાલતા જુગાર ધામ પર પી.સી.બી.પોલીસે દરોડો પાડી જુગાર ધામના સંચાલક સહિત 17ને ઝડપી પાડયા છે.

ગોત્રી એસ.ટી. કોલોની વાળા રોડ પર વિશ્વ માનવ કોમ્પલેક્સની બાજુમાં ખંડેર જેવા મકાનમાં ફિરોજ જગતસિંહ બારોટ જુગાર ધામ ચલાવતો હોવાની માહિતી પી.સી.બી. પોલીસને મળી હતી. જેના આધારે  પોલીસ સ્ટાફે ઉપરોક્ત સ્થળે જઇને રેડ કરતા જુગારધામના સંચાલક ફિરોજ બારોટ સહિત  17  જુગારીઓ ઝડપાઇ ગયા હતા. પોલીસે જુગારીઓ  પાસેથી રોકડા 1.56 લાખ, 17 મોબાઇલ ફોન અને બે મોપેડ મળીને કુલ રૂપિયા 3.16 લાખનો મુદ્દામાલ કબજે કર્યો છે. પકડાયેલા જુગારીઓમાં (1) ફિરોજ બારોટ (2)  મહેશ વિજયકુમાર બારોટ (3) સાગરકુમાર કનુભાઇ (4) જીતેન્દ્ર બળદેવભાઇ પરમાર ( તમામ રહે. સુદામા નગર, ટી.બી. હોસ્પિટલની સામે, ગોત્રી) (5) દેવેશ બળદેવભાઇ પરમાર (રહે. કર્મજ્યોત સોસાયટી, ગોત્રી રોડ) (6) નિલેશ  હરિશભાઇ માછી (રહરે.માછી મહોલ્લો, બરાનપુરા) (7) મુકેશ રાજકુમાર હેડવાર (રહે. સુદામા નગર) (8) હર્ષદ રાજેન્દ્રભાઇ  પઢિયાર (રહરે. ધરમપુરા, ગોત્રી રોડ) (9) મયૂર ભૂપેન્દ્રભાઇ જોશી (રહે, સ્વાતંત્ર સેનાની નગર, સમતા) (10) અશોકભાઇ અબજીભાઇ ગરાસિયા (રહે. જયશ્રી નારાયણ સોસાટી, સુભાનપુરા) (11) પરેશ ઘનશ્યામભાઇ પઢિયાર (રહે. દિવાળીપુરા, જૂના પાદરા રોડ) (12) પ્રવિણભાઇ બાબુભાઇ સોલંકી (રહે. સોમનાથ સોસાયટી, ગોત્રી રોડ) (13) અબ્દુલભાઇ  હસનભાઇ ઘાંચી (રહે. ગુજરાત  ટ્રેક્ટર સોસાયટી, તાંદલજા) (14) ધર્મેશ જશુભાઇ પરમાર (રહે. બાજપાઇ નગર, ગોત્રી સેવાસી રોડ) (15) લતિફ નૂરમહંમદ મલેક (રહે. મસ્જિદ ફળિયું, ભાયલી ગામ) (16) પ્રવિણ ડાહ્યાભાઇ પરમાર (રહરે. સવૈયા નગર, વીમા દવાખાના સામે, ગોત્રી રોડ) (17) વનરાજસિંહ અમરસિંહ સિન્ધા (રહે. કંચનલાલનો ભઠ્ઠો, ગોત્રી રોડ)નો સમાવેશ થાય છે.