કતાર એરવેઝની દોહા-હોંગકોંગ ફ્લાઇટનું અમદાવાદમાં ઇમરજન્સી લેન્ડિંગ

Ahmedabad Airport: અમદાવાદના સરદાર વલ્લભભાઈ પટેલ આંતરરાષ્ટ્રીય ઍરપોર્ટ પર આજે બપોરે એક મોટી ઘટના બની હતી. જેમાં કતાર એરવેઝની ફ્લાઇટનું ઇમરજન્સી લેન્ડિંગ કરવામાં આવ્યું હતું. ફ્લાઇટમાં ટેક્નિકલ ખામી સર્જાતાં આ પગલું લેવામાં આવ્યું હતું.

આ પણ વાંચોઃ સુરતમાં દિવાળી પહેલા ફૂડ વિભાગના દરોડા દરમિયાન મીઠાઈ પર વંદો ફરતા હોવાનો વિડીયો વાયરલ

શું હતી ઘટના? 

મળતી માહિતી મુજબ, કતાર એરવેઝની આ ફ્લાઇટ દોહાથી હોંગકોંગ જઈ રહી હતી. વિમાનના ઉડાન દરમિયાન તેમાં ટેક્નિકલ ખામી સર્જાતાં પાયલટે તાત્કાલિક અમદાવાદ ઍરપોર્ટ ઑથોરિટીનો સંપર્ક કર્યો હતો. તંત્ર દ્વારા તાત્કાલિક કાર્યવાહી કરીને બપોરે 2:30 વાગ્યે ફ્લાઇટનું સફળતાપૂર્વક લેન્ડિંગ કરાવવામાં આવ્યું હતું.

આ પણ વાંચોઃ 23 વર્ષ બાદ હત્યારો ઝડપાયો! મોરબીમાં ગુનો કરી મથુરામાં બની ગયો હતો 'સાધુ'

કોઈ અનિચ્છનીય ઘટના ન બને તે માટે ઍરપોર્ટ ઑથોરિટી દ્વારા તુરંત ફાયર વિભાગને જાણ કરવામાં આવી હતી. સાવચેતીના ભાગરૂપે ચાંદખેડા ફાયર સ્ટેશનની ત્રણ ગાડીઓ ઉચ્ચ અધિકારીઓ સાથે ઍરપોર્ટ પર સ્ટેન્ડ બાય મોકલી દેવાઈ હતી.