આનંદનગરમાં જાહેરમાં છેડતી: યુવકે યુવતીને શારીરિક અડપલા કરી માર માર્યો

અમદાવાદ, તા. 12 માર્ચ 2022 શનિવાર

શહેરના આનંદનગરમાં જાહેરમાં છેડતીનો બનાવ બન્યો હોવાનુ પ્રકાશમાં આવ્યુ છે. 

મળતી માહિતી અનુસાર આનંદનગર વિસ્તારમાં રહેતી યુવતી તેની બહેનપણી સાથે દાબેલી લેવા જતી હતી ત્યારે તેના ઘરની સામે રહેતા રમેશ મીણાએ તેને રોકીને તુ ક્યાં જાય છે તેમ જણાવી અચાનક યુવતીનો હાથ પકડી, શારીરિક અડપલા કરી, છાતીના ભાગે અડી માર માર્યો હતો. જોકે ત્યારબાદ યુવતીનો પિતરાઈ ભાઈ રમેશને આ બાબતે ઠપકો આપવા ગયો તો તેની સાથે પણ યુવકે બિભત્સ બોલાચાલી કરી જોઈ લઈશ તેવી ધમકીઓ આપી હતી. ઘટના અંગે પોલીસે ફરિયાદ નોંધી વધુ તપાસ હાથ ધરી છે.