અમદાવાદ, તા. 23 એપ્રિલ 2021, મંગળવાર

ગુજરાતમાં છ મહાનગરપાલિકાના ચૂંટણ પરિણામમાં ભાજપનો ભગવો ફરી લહેરાયો છે. કોંગ્રેસને ખાસ કંઇ ઉકાળી શકી નથી. બીજી તરફ સુરતમાં આમ આદમી પાર્ટીની એન્ટ્રી થઇ છે. જીત બાદ વિજેતા ઉમેદવારોએ જનતાનો આભાર માન્યો હતો. જ્યારે કે પાર્ટીના કાર્યકરોએ આ જીતની ઉજવણી કરી હતી..

વિપક્ષના આ ત્રણ દિગ્ગજ નેતાઓનું પણ ભાવિ સામે સવાલ

મહાનગરપાલિકાની ચૂંટણી કોંગ્રેસના સુંપડા સાફ થયા બાદ પ્રભારી રાજીવ સાતવ, પ્રદેશ પ્રમુખ અમિત ચાવડા અને વિધાનસભા વિપક્ષના નેતા પરેશ ધાનાણીની કામગીરી સામે પ્રશ્નાર્થ ઉભો થયો છે. આ ચૂંટણીઓ પ્રદેશ કોંગ્રેસના નેતાઓ માટે આખરી ચૂંટણી બની રહેશે!  વિધાનસભાની પેટાચૂંટણીમાં આઠેય બેઠકો પર કોંગ્રેસનો કારમો પરાજય થયો હતો. તે વખતથી જ કોંગ્રેસ હાઇકમાન્ડ પ્રદેશ કોંગ્રેસના નેતાઓથી ભારોભાર નારાજ છે.

પેટાચૂંટણી વખતે જ પ્રદેશ પ્રમુખ અમિત ચાવડા અને વિધાનસભા વિપક્ષના ેનતા પરેશ ધાનાણીએ તો નૈતિક જવાબદારી સ્વિકારી રાજીનામા હાઇકમાન્ડને મોકલી આપ્યા હતાં જે સ્વિકારાયા ન હતાં. જોકે, સાતવ,અમિત ચાવડા અને પરેશ ધાનાણીને  સૃથાનિક સ્વરાજની ચૂંટણીમાં સારો દેખાવ કરવા વધુ એક તક અપાઇ હતી. પણ કોંગ્રેસમાં કોઇ ઝાઝો ફરક પડયો ન હતો.

મહાનગરપાલિકાની ચૂંટણીમાં જ કોંગ્રેસના નેતાઓ પારદર્શક રીતે ટિકિટની વહેંચણી કરવાને બદલે રીતસર ભાગબટાઇ કરી હતી. ખુદ કોંગ્રેસના કાર્યકરોએ લાખો રૂપિયામાં ટિકિટો વેચાઇ હોવાનો આક્ષેપ કર્યો છે.

Result Live Update

- કોંગ્રેસનો પંજો બંજર થતા રાજકોટ શહેર કોંગ્રેસ પ્રમુખ અશોક ડાંગરે રાજીનામું આપ્યું, હોમટાઉનમાં CMએ પ્રચાર પણ ન કર્યો છતાં કેસરિયો લહેરાયો

- વડોદરામાં સતત ચોથી વખત ભાજપે સત્તા કબજે કરી, 57 બેઠકો પર જીત સાથે BJP સૌથી આગળ, સતત 34 વર્ષથી જીતતા કોંગ્રેસના દિગ્ગજ નેતા ચિરાગ ઝવેરી હાર્યા

- ભાવનગર મહાપાલિકા : ઘોઘાસર્કલ, પીરછલ્લા, વડવા-બ વોર્ડમાં બીજેપીની પેનલ વિજય, બોરતળાવ વોર્ડમાં 3 સીટ કોંગ્રેસ, 1 સીટ બીજેપીને મળી

- જામનગરમાં ભાજપે કોંગ્રેસના ગઢ ગણાતા વોર્ડ નં. 15માં ગાબડું પાડ્યું, ત્રણ બેઠકો ભાજપ જીત્યું, 1માં કોંગ્રેસની જીત

- રાજકીય ગણિત/ 100માંથી 21 જણાની પસંદ સંભાળશે 06 મહાનગરપાલિકાની સત્તા, સરેરાશ 41 ટકા જ થયું છે રાજ્યમાં મતદાન

- રાજકોટમાં 72માંથી 56 બેઠક પર ભાજપનું કમળ ખીલ્યું, કોંગ્રેસનો પંજો બંજર થયો, હોમટાઉનમાં CMએ પ્રચાર પણ ન કર્યો છતાં કેસરિયો લહેરાયો

- સુરતમાં ગીતા રબારી અને ડિમ્પલ કાપડિયાની જીત, ભાજપ 58 તો આપ 22માં આગળ, કોંગ્રેસને ખાતુ ખોલવાના ફાંફા

- અમદાવાદમાં થલતેજ સહિતની 13 પેનલ જીતી ભાજપની સત્તાનું પુનરાવર્તન નિશ્ચિત, કેજરીવાલની AAP અને ઓવૈસીની AIMIMને ‘નો એન્ટ્રી ’

- વડોદરામાં સતત ચોથી વખત ભાજપે સત્તા કબજે કરી, ભાજપની સૌથી યુવા મહિલા ઉમેદવાર ભૂમિકા રાણાની જીત, 49 બેઠકો પર જીત સાથે BJP સૌથી આગળ, કોંગ્રેસનો સફાયો

- અમદાવાદમાં કેજરીવાલની AAP અને ઓવૈસીની AIMIMને ‘નો એન્ટ્રી ’, થલતેજ સહિત 8 વોર્ડમાં ભાજપ અને દરિયાપુર સહિત 2 વોર્ડમાં કોંગ્રેસની પેનલ જીતી

- અમદાવાદમાં કેજરીવાલની AAP અને ઓવૈસીની AIMIMને ‘નો એન્ટ્રી ’, થલતેજ સહિત 8 વોર્ડમાં ભાજપ અને દરિયાપુર સહિત 2 વોર્ડમાં કોંગ્રેસની પેનલ જીતી

- રાજકોટ: ભાજપનું વિજય સરઘસ, ભાજપ 24 બેઠક પર અને 4 બેઠક પર કોંગ્રેસ તેમજ એક બેઠક પર આપ આગળ

- ભાવનગર: વોર્ડ નં. 1માં ભાજપના ત્રણ અને કોંગ્રેસના 1 ઉમેદવાર વિજેતા, વોર્ડ નંબર 11માં પરિણામને લઇને કોંગ્રેસનો વિરોધ

- સુરત: વોર્ડ નંબર 1,6,14,21,23 અને 29માં ભાજપની પેનલની જીત તો વોર્ડ નંબર 4,13 અને 16માં આમ આદમી પાર્ટીનો વિજય થયો છે

- 6 મહાનગરપાલિકામાં 576માંથી 382નો ટ્રેન્ડ, 315માં ભાજપ આગળ, 42માં કોંગ્રેસ આગળ, 25 બેઠકોમાં ત્રીજો વિકલ્પ બની રહ્યું છે AAP અને AIMIM

- અમદાવાદ: બાપુનગર, સરદારનગર, સૈજપુર બોધા, ખોખરા, નવરંગપુરા, જોધપુર, થલતેજ અને વસ્ત્રાલમાં ભાજપની પેનલ જીતી

- મુખ્યમંત્રી રૂપાણીના હોમ ટાઉન રાજકોટમાં કોંગ્રેસને કારમી પછડાટ, બીજેપી કુલ 201, કોંગ્રેસ 42 બેઠકો પર આગળ, આપ સુરતમાં 8 બેઠકો પર વિજેતા થઈ

- અમદાવાદ પશ્ચિમના જોધપુર વોર્ડમાં ભાજપની પેનલ જીતી, કોંગ્રેસના ગઢ ગણાતા દરિયાપુરમાં ભાજપની પેનલ હારી

- અમદાવાદના થલતેજ વોર્ડમાં ભાજપની જીત, ભાજપના તમામ 4 ઉમેદવાર થયા વિજેતા

- સુરતમાં કોંગ્રેસની બેઠકો આંચકી AAP 3 વોર્ડમાં બની વિજેતા, ભાજપે ગઢ જાળવી રાખતા 4 વોર્ડ પર વિજયી મેળવ્યો

- સુરત મહાનગરપાલિકાના વોર્ડ નંબર છ કતારગામમાં ચોથા રાઉન્ડ ભાજપની સમગ્ર પેનલ આગળ છે. ચાર રાઉન્ડમાં બીજા નંબર આપ આગળ છે. જ્યારે વોર્ડ નંબર 8 ડભોલી સિંગણપોરમાં આમ આદમી પાર્ટીની પેનલ પહેલા નંબરે અને ભાજપ બીજા નંબરે છે.
- વડોદરામાં ભાજપ અને કોંગ્રેસ વચ્ચે કાંટે કી ટક્કર 15 બેઠક પર ભાજપ તો 10 પર કોંગ્રેસ આગળ

- અમદાવાદઃ ખોખરામાં ભાજપ આગળ, વસ્ત્રાલમાં 4થા રાઉન્ડમાં બીજેપી આગળ, નિકોલ 2જા રાઉન્ડમાં બીજેપી આગળ

- જામનગર: વોર્ડ નંબર 9માં ભાજપની પેનલ આગળ

- વડોદરામાં 7 બેઠક પર ભાજપ આગળ, 2 બેઠક પર કોંગ્રેસ આગળ, મતણતરી કેન્દ્રમાં પ્રવેશ મુદ્દે એજન્ટો અને પોલીસ વચ્ચે ઘર્ષણ

- સુરત રિઝલ્ટમાં શરૂઆતના ટ્રેન્ડમાં ભાજપ આગળ, કોંગ્રેસ પાછળ, SVNIT ખાતે પોલીસ મહિલા કર્મચારીની તબિયત લથડી

- તમામ 6 મહાનગરપાલિકાની મતગણતરીમાં 33માં ભાજપ આગળ, 10માં કોંગ્રેસ આગળ

- વડોદરામાં બબાલ : મનપાની મતગણતરી દરમિયાન એજન્ટો અને પોલીસ આમને સામને

- વડોદરા રિઝલ્ટ:76 બેઠકો પર ભાજપ-કોંગ્રેસ સહિતના 279 ઉમેદવારોનું ભાવી EVMમાંથી ખુલશે, પોલિટેકનિક કોલેજ બહાર ટોળા ઉમટ્યા, 9 વાગ્યાથી મતગણતરી

- સુરતમાં સૌ પ્રથમ EVMની મતગણતરી શરૂ, બેલેટ પેપરમાં ભાજપ આગળ અને કોંગ્રેસ પાછળ, મતગણતરી સ્થળે કાર્યકરોના ટોળા

- ગુજરાત કોલેજ અને એલડી એન્જિનિયરિંગ કોલેજ પર ઇવીએમમા ચેડાના આક્ષેપ સાથે હોબાળો

રાજ્યની 6 મહાનગરપાલિકાનું આજે સવારે 8 વાગ્યાથી મતગણતરીની શરૂઆત થઈ ગઈ છે. આજે સવારે 8 વાગ્યાથી સૌ પ્રથમ બેલેટ પેપરનું મતગણતરીની શરૂઆત થઈ છે. વહેલી સવારથી અધિકારી તેમજ રાજકીય પક્ષોના આગેવાનો સ્થળ પર આવી પહોંચ્યા હતા.

અમદાવાદમાં એલ.ડી.એન્જિનિયરીંગ કોલેજ અને ગુજરાત કોલેજમાં મતગણતરી કરાશે. આ બંને સ્થળો ચાંપતો પોલીસ બંદોબસ્ત ગોઠવી દેવાયો છે.

2021ના ચૂંટણી પરિણામો

2015ના ચૂંટણી પરિણામો

વર્ષ 2010થી 2021 સુધીનું મતદાન

અમદાવાદમાં મતગણતરી કેન્દ્ર પર કાર્યકર્તાઓની પાંખી હાજરી
અમદાવાદ મ્યુનિસિપલ કોર્પોરેશનની ચૂંટણીની મતગણતરી એલડી એન્જિનિયરિંગ અને ગુજરાત કોલેજ ખાતે ચાલી રહી છે ત્યારે ગુજરાત કોલેજ પર ગણ્યા ગાંઠિયા પચ્ચીસથી ત્રીસ માણસો જોવા મળી રહ્યા છે. ખૂબ જ ઓછું મતદાન થયું હોવાથી કાર્યકરોમાં હતાશા જોવા મળી રહી હોય તેવું ચિત્ર ઉપસ્યું છે.

ગુજરાત કોલેજ અને એલડી એન્જિનિયરિંગ કોલેજ પર EVMમા ચેડાના આક્ષેપ સાથે હોબાળો

અમદાવાદ મ્યુનિસિપલ કોર્પોરેશનની ચૂંટણીની આજે મતગણતરી થવાની છે ત્યારે ગઇકાલે મોડી રાત્રે Evmમા ચેડા થયા હોવાની અફવાને પગલે કોંગ્રેસ અને આમ આદમી પાર્ટીના કાર્યકરો ગુજરાત કોલેજ તેમજ એલ.ડી.એન્જિનિયરિંગ કોલેજ પર ઉમટી પડ્યા હતા.

કોલેજ પાસે જઈને સૂત્રો પોકારીને હોબાળો મચાવ્યો હતો. આ બનાવની જાણ થતા કેટલાક રાજકીય નેતાઓ અને ઉચ્ચ પોલીસ અધિકારીઓ ઘટના સ્થળે પહોંચી ગયા હતા. જો કે તેમણે કોલેજ ઉપર સીસીટીવી કેમેરાથી મોનિટરિંગ થતું હોવાનો વિશ્વાસ સંપાદન કરતા મામલો થાળે પડ્યો હતો.

અમદાવાદમાં બે સ્થળોએ મતગણતરી થશે
ગુજરાત કોલેજ : દાણિલિમડા, મણિનગર, ઇસનપુર, અમરાઇવાડી, હાટકેશ્વર , ખોખરા, અસારવા, શાહીબાગ, શાહપુર , જોધપુર , વેજલપુર, સરખેજ , નવા વાડજ , નારણપુરા, સ્ટેડિયમ , ચાંદખેડા, સાબરમતી, રાણિપ,  ગોતા, ચાંદલોડિયા , ઘાટલોડિયા, નિકોલ, વિરાટનગર, ઓઢવ

એલ. ડી. એન્જિનિયરીંગ કોલેજ : સરદારનગર, નરોડા, કુબેરનગર, બાપુનગર, રખિયાલ, ગોમતીપુર, વસ્ત્રાલ, ઇન્દ્રપુરી, રામોલ-હાથીજણ, લાંભા, વટવા, સૈજપુર બોઘા, ઇન્ડિયા કોલોની, ઠક્કરબાપા નગર, થલતેજ, મકતમપુરા, બોડકદેવ , પાલડી, વાસણા, નવરંગપુરા, દરિયાપુર, ખાડિયા અને જમાલપુર

વડોદરા મ્યુનિસિપલ કોર્પોરેશની ચૂંટણીમાં આશરે 48 ટકા મતદાન
વડોદરા મ્યુનિસિપલ કોર્પોરેશનની ચૂંટણીની મતગણતરી દરમિયાન કોર્પોરેશનના કુલ 19 વોર્ડ પૈકી સૌપ્રથમ વોર્ડ નંબર 1, 4, 7, 10, 13 અને 16નું પરિણામ જાહેર થઇ જશે. મતગણતરીમાં સૌપ્રથમ પોસ્ટલ બેલેટ અને બાદમાં ઇવીએમમાં પડેલા મતોની ગણતરી  શરૂ થશે. વડોદરા મ્યુનિસિપલ કોર્પોરેશની ચૂંટણીમાં આશરે 48 ટકા મતદાન થયું છે.  પોલિટેકનિક કોલેજ અને આસપાસના વિસ્તારમાં મતગણતરીને કારણે નો-પાર્કિંગ ઝોન જાહેર કરવામાં આવ્યો છે. વહેલી સવારથી જ પોલીસ પોલિટેકનિક રોડ પરનો વાહન વ્યવહાર અન્ય માર્ગો પર ડાયવર્ટ કરાયો છે.

સુરતમાં બે કેન્દ્રો ઉપર કરવામાં આવી રહી મતગણતરી
સુરત મહાનગરપાલિકાની ચૂંટણીની મતગણતરી બે કેન્દ્રો ઉપર કરવામાં આવી રહી છે. શહેરની ગાંધી એન્જિનિયરિંગ કોલેજ અને એસવીએનઆઇટી કોલેજ ખાતે મતગણતરી કરાશે. મતગણતરી સેન્ટરની બહાર ચુસ્ત પોલીસ બંદોબસ્ત ગોઠવી દેવામાં આવ્યો છે. કેન્દ્રો પર મતગણતરી શરૂ થઇ ગઇ છે. મતગણતરી સેન્ટરની બહાર તમામ અપડેટ મળી રહે એ પ્રકારની વ્યવસ્થા માટે સ્ક્રીન પર ગોઠવવામાં આવી છે.

રાજકોટમાં  6 અલગ-અલગ સ્થળે મતગણતરી
રાજકોટમાં 6 અલગ-અલગ સ્થળે મતગણતરી સવારે 9 કલાકે હાથ ધરાશે. જેમાં વીરબાઈ મહિલા કોલેજ, એએસ ચૌધરી હાઈસ્કૂલ, એસવી વિરાણી હાઈસ્કૂલ, પીડી માલવિયા કોલેજ, રણછોડદાસજી કોમ્યુનિટી હોલ એમ અલગ-અલગ જગ્યાએ વિવિધ વોર્ડની મતગણતરી હાથ ધરવામાં આવશે.

જામનગરમાં હરિયા કોલેજે મતગણતરી
જામનગરમાં હરિયા કોલેજ ખાતે મતગણતરી હાથ ધરવામાં આવશે. સ્ટ્રોન્ગ રૂમ બહાર પોલીસનો ચુસ્ત બંદોબસ્ત ગોઠવી દેવામાં આવ્યો છે.