ગુજરાતમાં કેન્સરના કેસમાં સતત વધારો, રોજના સરેરાશ 199 દર્દી, ચાર વર્ષમાં 10% કેસ વધ્યાં

Cancer Cases Rising in Gujarat: ગુજરાતમાં કેન્સરના કેસમાં ચિંતાજનક રીતે સતત વધારો થઇ રહ્યો છે. એક વર્ષમાં કેન્સરના સૌથી વધુ કેસ નોંધાયા હોય તેવા રાજ્યમાં ગુજરાત 72,759 સાથે નવમાં જ્યારે ઉત્તર પ્રદેશ 2.69 લાખ સાથે મોખરાના સ્થાને છે. 

રાજ્યમાં રોજના સરેરાશ 199 દર્દી 

ગુજરાતમાં વર્ષ 2021થી કેન્સરના કેસમાં સતત વધારો થયો છે. 2021ની સરખામણીએ 2025માં કેન્સરના કેસમાં 10 ટકા જેટલો વધારો થયેલો છે. વર્ષ 2025ની સ્થિતિ પ્રમાણે ગુજરાતમાં કેન્સરના સરેરાશ 199 જેટલા કેસ નોંધાયા છે. ગુજરાતમાં સર્વિક્સ એટલે કે ગર્ભાશયના મુખના કેન્સરના 2372 કેસ વર્ષ 2025માં નોંધાયા હતા. વર્ષ 2021માં 2483, વર્ષ 2022માં 2436, વર્ષ 2023માં 2390, વર્ષ 2024માં 2345 જેટલા કેસ સર્વિક્સ કેન્સર સામે આવ્યા હતાં.