નડિયાદના ચકલાસીના લક્ષ્મીપુરાની મહિલા સાથે શખ્સે દુષ્કર્મ ગુજાર્યું

મહિલાને સંબંધ રાખવા શખ્સ દબાણ કરતો હતો 

બાળકોને મારી નાખવાની ધમકી આપીને મહિલા પર બળજબરીથી કુકર્મ આચરતા શખ્સ સામે ફરિયાદ

નડિયાદ તાલુકાના ચકલાસી તાબેના લક્ષ્મીપુરા ભાટા તલાવડી વિસ્તારમાં ૩૫ વર્ષીય મહિલા પરિવાર સાથે રહે છે. અને જીગ્નેશ કનુભાઈ વાઘેલાએ અગાઉ મહિલાને પોતાની સાથે સંબંધ રાખવા જણાવ્યું હતું. પરંતુ મહિલાએ તેને સંબંધ રાખવાની ના પાડી હતી. આ દરમિયાન તા.૧૯/૧૦/૨૫ ના રોજ તેનો પતિ નોકરી પર ગયો હતો જ્યારે સંતાનો દિવાળીના તહેવારો હોવાથી મોસાળમાં ગયા હતા. આ દરમિયાન રાત્રી સમયે મહિલા તેના ઘરે એકલી હતી તેની એકલતાનો લાભ ઉઠાવી જીગ્નેશ વાઘેલાએ મહિલાના ઘરમાં જઇ તેણીને સબંધ બાંધવા જણાવતા આનાકાની કરી હતી. જેથી હવસખોર નરાધમે તેના બાળકોને મારી નાખવાની ધમકી આપી બળજબરીપૂર્વક દુષ્કર્મ આચર્યું હતું તેમજ આ બનાવને કોઈને જાણ કરીશ તો જાનથી મારી નાખવાની ધમકી આપી હતી.આ બનાવથી હતપ્રત થઈ ગયેલી મહિલાએ તેની જેઠાણીને પોતાની સાથે થયેલી ઘટનાની સમગ્ર હકીકત જણાવી હતી. આ અંગે તેના પતિને જાણ કરી હતી. આ બનાવ અંગે ભોગ બનનાર પીડીતાએ ચકલાસી પોલીસ મથક ફરિયાદ નોંધાવતા પોલીસે જીગ્નેશ કનુભાઈ વાઘેલા સામે ગુનો નોંધી કાયદેસર કાર્યવાહી હાથ ધરી હતી.