આઉટર રિંગ રોડને શહેર સાથે જોડવા ૬ નવા રેડિયલ રોડબનશે

મ્યુ.કોર્પોરેશન અને વૃડાદ્વારા શહેરની ફરતે બનાવવામાં આવી રહેલ ૭૫ મીટર રિંગ રોડને વડોદરા શહેરના મુખ્ય માર્ગો સાથે જોડવા ૬ ફોરલેનરેડિયલ રોડ બનાવશે..

વડોદરા શહેરી વિકાસ સત્તામંડળ (વુડા) દ્વારા ફેઝ-૧ હેઠળ ૭૫-મીટર રિંગ રોડનું કામ અંતિમ તબક્કામાં છે. રિંગ રોડ સંપૂર્ણ રીતે કાર્યરત થયા પછી શહેરજનોને સરળ કનેક્ટિવિટી મળે તે હેતુસર રેડિયલ રોડબનાવાશે.

પૂર્વ વિસ્તારમાંથી રિંગ રોડને જોડતાં બે રેડિયલ રોડ, પશ્ચિમ વિસ્તારમાંથી રિંગ રોડને જોડતાં ૪ રેડિયલ રોડ મળીને કુલ ૬ ફોરલેન રેડિયલ રોડનું નિર્માણ થશે. જે પૈકી બે રસ્તા વુડા ,૩ રસ્તા મ્યુ. કોર્પોરેશન દ્વારા બનાવાશે, અને ૧ રસ્તો બંને સંસ્થાઓના હસ્તક આવતો હોવાથી એનું કામ સંયુક્ત રીતે હાથ ધરાશે.