Lok Sabha Elections 2024: લોકસભાની ચૂંટણીમાં આજે ગુજરાતની 25 બેઠકો માટે મતદાન થશે. આ વખતે ભાજપે છ, કોંગ્રેસે પાંચ આયાતી ઉમેદવારને ટિકિટ આપી હોવાથી તેઓ પોતાને જ મત આપી શકશે નહીં.

ઉમેદવારોના મત અલગ, ઉમેદવારી અન્ય સ્થાને

અમદાવાદની બે બેઠક પર ત્રણ ઉમેદવારો આયાતી છે. જેમાં હસમુખ પટેલ અમદાવાદ પૂર્વના ઉમેદવાર-અમદાવાદ પશ્ચિમના મતદાર, દિનેશ મકવાણા અમદાવાદ પશ્ચિમના ઉમેદવાર-અમદાવાદ પૂર્વના મતદાર જ્યારે ભરત મકવાણા અમદાવાદ પશ્ચિમના ઉમેદવાર-આણંદના મતદાર છે. લોકસભા ચૂંટણીમાં સૌથી ચર્ચાસ્પદ બનેલી રાજકોટ બેઠકના બંને ઉમેદવાર આયાતી છે. પરષોત્તમ રૂપાલા અને પરેશ ધાનાણી એમ બંને હરીફો મત આપવા માટે અમરેલી જશે.