હિમાચલમાં તબાહી વચ્ચે ફસાઈ હતી એક્ટ્રેસ, કહ્યું- 'ગત 5 દિવસ ખૂબ જ મુશ્કેલ રહ્યા'

Rubina Dilaik Stuck in Himachal Rain: 37 વર્ષની સુંદરી રૂબીના દિલૈક હિમાચલમાં છેલ્લા પાંચ દિવસથી વરસી રહેલા ભારે વરસાદમાં ફસાઈ ગઈ છે. અભિનેત્રીની સાથે તેની બંને દીકરીઓ અને બહેન પણ હતી. અભિનેત્રીએ મુશળધાર વરસાદી આફતનો વીડિયો અને કેટલાક ફોટા પણ સોશિયલ મીડિયા પર શેર કર્યા છે. જેમાં મુશળધાર વરસાદમાં થયેલા ભૂસ્ખલનને કારણે થયેલા નુકસાનનો નજારો જોવા મળે છે. 

શું કહ્યું રૂબિનાએ? 

રુબીનાએ ઇન્સ્ટાગ્રામ પર ઘણા ફોટોઝ અને વીડિયો શેર કર્યા છે, જેમાં તેણે જણાવ્યું કે છેલ્લા 5 દિવસ તેમના પરિવાર માટે ખૂબ જ ભારે રહ્યા છે. અભિનેત્રીએ લખ્યું કે, 'છેલ્લા 5 દિવસ ખૂબ જ ઉતાર-ચઢાવથી ભરેલા રહ્યા છે. હિમાચલ પ્રદેશમાં ભૂસ્ખલન અને ભારે વરસાદે રસ્તા, નેશનલ હાઇવે અને ખેડૂતોને ઘણું મોટું નુકસાન પહોંચાડ્યું છે. ઘણા પરિવારો પર આ આફતની અસર પડી છે. મારી સંવેદનાઓ તે બધા પરિવારો સાથે છે જે આ દુ:ખનો સામનો કરી રહ્યા છે.'

આ પણ વાંચો : War 2: હૃતિકની 'વોર 2' ફિલ્મે અક્ષય-અજયની સુપરહિટ ફિલ્મને પણ કમાણીમાં પછાડી

અમે સુરક્ષિત છીએ: રૂબિના 

અભિનેત્રીએ આગળ લખ્યું, 'હું ફક્ત એટલું જ કહેવું છે કે ઈશ્વરની કૃપાથી હું અને મારો પરિવાર સુરક્ષિત છે. જોકે, મેં લાંબા સમયથી દીકરીઓને ખોળામાં નથી લઈ શકી. પરંતુ, હું આભારી છું કે તે સ્વસ્થ અને ખુશ છે.' 

હિમાચલ પ્રદેશમાં વરસાદી આફત 

આ વર્ષે ચોમાસાની ઋતુએ ઘણા રાજ્યોમાં કહેર વરસાવી રહ્યું છે. હિમાચલ પ્રદેશમાં ઘણી જગ્યાએ ભૂસ્ખલન થયું છે અને હજી પણ મુશળધાર વરસાદનો પ્રકોપ સતત ચાલુ છે. આવી પ્રદેશમાં સ્થિતિમાં 263 લોકોના મોત થયા છે. સાથે, 31 હજારથી વધુ ઘરો, દુકાનો અને પશુઓના આશ્રયસ્થાનને પણ નુકસાન પહોંચ્યું છે.