VIDEO: રણવીર સિંહની ફિલ્મ 'ધુરંધર'નું ધમાકેદાર ટીઝર રિલીઝ, અજીત ડોભાલનો રોલ નિભાવશે આર. માધવન, સંજય દત્તે ચોંકાવ્યા

Dhurandhar Teaser: સુપરસ્ટાર રણવીર સિંહે તેના જન્મદિવસ પર ચાહકોને 'ધુરંધર'ની પહેલી ઝલક તરીકે એક અદ્ભુત ભેટ આપી છે. તેમની અપકમિંગ ફિલ્મ 'ધુરંધર'નો ફર્સ્ટ લુક બતાવ્યો છે, જેને તમે ફિલ્મનું ટીઝર પણ કહી શકો છો. ફિલ્મના આ 2 મિનિટ 39 સેકન્ડના પ્રોમો વીડિયોની શરૂઆતમાં જ સ્પષ્ટ થઈ જાય છે કે, ધુરંધર એક સત્ય ઘટના પર આધારિત છે. ત્યારે આવો જાણીએ કે રણવીર સિંહની ધુરંધર ભારતના કયા સીક્રેટ મિશનની સ્ટોરી છે. 

આ મિશનનો બેઝ છે ધુરંધર 

ધુરંધર અંગે ઘણા લાંબા સમયથી બજારમાં ચર્ચા ચાલી રહી છે. વિક્કી કૌશલ અભિનીત ઉરી- ધ સર્જિકલ સ્ટ્રાઈક જેવી મહાન દેશભક્તિ ફિલ્મ બનાવનાર દિગ્દર્શક આદિત્ય ધરે ફરી એકવાર  તેમણે ધુરંધર તરીકે દેશવાસીઓમાં દેશભક્તિનો જુસ્સો જગાડવાની જવાબદારી ઉપાડી છે.

આ પણ વાંચો: જ્યારે અજય દેવગણ અને યશરાજ વચ્ચે માથાકૂટ થઇ, કાજોલની હાલત સૂળી વચ્ચે સોપારી જેવી થઇ હતી

રિપોર્ટમાં જણાવ્યા પ્રમાણે, ધુરંધરની સ્ટોરી ભારત અને પાકિસ્તાન વચ્ચેના સંઘર્ષ દરમિયાન એક સીક્રેટ મિશન પ્રેરિત હોઈ શકે છે. જેમાં ભારતની સુરક્ષા સલાહકાર અજીત ડોભાલના કરિયરની શરુઆતના દિવસોમાં ચલાવવામાં આવેલા એક ગુપ્ત મિશનમાં પાકિસ્તાનના એક ખૂખાંર આતંકવાદીનો ખાત્મો કરવામાં આવ્યો તે બતાવવામાં આવ્યો છે. જોકે, આ મિશન ક્યારે હાથ ધરવામાં આવ્યું હતું અને તેમાં કયા આતંકવાદીને બતાવવામાં આવશે તેની સત્તાવાર પુષ્ટિ હજુ સુધી થઈ નથી.

ફિલ્મમાં રણવીર સિંહ ભારતના જાસૂસ એજન્ટની ભૂમિકામાં

ધુરંધરમાં રણવીર સિંહ ભારતીય જાસૂસ એજન્ટ તરીકેની ભૂમિકામાં જોવા મળશે, જ્યારે અર્જુન રામપાલ અને અક્ષય ખન્ના ખલનાયકની ભૂમિકા અદા કરી રહ્યા છે. અજીત ડોભાલના કેરેક્ટરમાં દિગ્ગજ અભિનેતા આર માધવન જોવા મળશે અને સંજય દત્તને પાકિસ્તાની પોલીસ ઓફિસરની ભૂમિકામાં જોવા મળશે. 

આ પણ વાંચો: બે વખત બ્રેકઅપની પીડા સહન કરી, હવે ડેટ પર જવા ઉત્સુક છે ગ્લેમરસ એક્ટ્રેસ

ક્યારે રિલીઝ થશે ધુરંધર?

ધમાકેદાર એક્શનથી ભરપૂર ધુરંધરનો ફર્સ્ટ લુક વીડિયો સામે આવ્યા બાગ રણવીર સિંહની ફિલ્મને ચાહકો આતુરતાથી રાહ જોઈ રહ્યા છે. માહિતી પ્રમાણે આ ફિલ્મ તારીખ 5 ડિસેમ્બર 2025 ના રોજ રિલીઝ કરવામાં આવશે.