પરિણીતીને ત્યાં પુત્રજન્મ, સમગ્ર બોલીવૂડે અભિનંદન પાઠવ્યાં

- બોલીવૂડમાં દિવાળી પહેલાં કિલકારી  ગૂંજી

- પરિણીતી ચોપરા અને રાઘવ ચઢ્ઢા લગ્નનાં  બે વર્ષ બાદ માતાપિતા બન્યાં

મુંબઈ: એકટ્રેસ પરિણિતી ચોપરા એક પુત્ર સંતાનની માતા બની છે. તેણે અને રાઘવ ચઢ્ઢાએ સોશિયલ મીડિયા પર એક સંયુક્ત પોસ્ટ દ્વારા આ ખુશખબર ચાહકોને આપ્યા હતા. તે પછી બોલીવૂડ સેલિબ્રિટીઓ સહિત હજારો ચાહકોએ તેમના પર અભિનંદનનો વરસાદ વરસાવ્યો હતો. 

પરિણિતી તથા રાઘવ ચઢ્ઢાએ સંયુક્ત પોસ્ટમાં જણાવ્યું હતું કે પહેલાં અમે બે જ હતાં, હવે અમારી આખી  દુનિયા છે. ક્રિતી, સેનન, અનન્યા પાંડે સહિત અનેક બોલીવૂડ સેલિબ્રિટીઓએ આ પોસ્ટને વધાવી અભિનંદન પાઠવ્યાં હતાં. 

ઉલ્લેખનીય છે કે પરિણીતી અને રાઘવ ચઢ્ઢાએ સપ્ટેમ્બર ૨૦૨૩માં ઉદયપુરમાં લગ્ન કર્યાં હતાં. ગયા ઓગસ્ટ માસમાં  પરિણિતીએ પ્રેગનન્સીની સત્તાવાર જાહેરાત કરી હતી.