'નાગિન' ફેમ મૌની રોયે પતિ સાથે સંબંધો તોડયાની ચર્ચા, બંનેના મૌનથી ચાહકો પરેશાન

Mouni Roy and Suraj Nambiar Split Rumors: ગ્લેમર જગતમાં સંબંધો બનવા અને બગડવા એ કોઈ નવી વાત નથી, પરંતુ જ્યારે કોઈ લોકપ્રિય જોડી વચ્ચે અંતર દેખાય ત્યારે ફેન્સ ચોક્કસપણે ચિંતિત થઈ જાય છે. બોલિવૂડ અને ટીવીની જાણીતી અભિનેત્રી મૌની રોય અને તેના પતિ સૂરજ નાંબિયાર અંગે હાલ સોશિયલ મીડિયા પર અનેક અટકળો વહેતી થઈ છે.

ઈન્સ્ટાગ્રામ પરથી શરૂ થઈ ચર્ચાઓ

11 મે, 2026 સુધી સામે આવેલી તાજી વિગતો અનુસાર, મૌની અને સૂરજના સંબંધોમાં ખટાશ આવવાના સંકેત મળી રહ્યા છે. ફેન્સે નોટિસ કર્યું છે કે મૌની રોય અને સૂરજ નાંબિયાર હવે ઈન્સ્ટાગ્રામ પર એકબીજાને ફોલો કરતા નથી. જે કપલ હંમેશા વેકેશન અને રોમેન્ટિક પળોની તસવીરો શેર કરતું હતું, તે અચાનક એકબીજાની ફોલોઈંગ લિસ્ટમાંથી ગાયબ થતા અનેક સવાલો ઊભા થયા છે.

મૌન સેવી રહ્યા છે બંને

આ સમાચાર વાયરલ થયા હોવા છતાં, હજુ સુધી મૌની રોય કે સૂરજ નાંબિયાર તરફથી કોઈ સત્તાવાર પ્રતિક્રિયા આપવામાં આવી નથી. તેમની આ ચુપકીદીને કારણે અટકળો વધુ તેજ બની રહી છે. ફેન્સ આશા રાખી રહ્યા છે કે આ કોઈ ટેકનિકલ ખામી અથવા નાની નારાજગી હોય શકે છે.

આ પણ વાંચો : SIRએ TMCનો ખેલ બગાડ્યો? મમતા બેનરજીના દાવા પર સુપ્રીમ કોર્ટે કહ્યું- તમે અરજી કરવા સ્વતંત્ર

ગોવામાં થયા હતા ભવ્ય લગ્ન

મૌની અને સૂરજની લવ સ્ટોરી કોઈ ફેયરી ટેલ જેવી રહી છે. 27 જાન્યુઆરી, 2022 ના રોજ ગોવામાં બંનેએ સાત ફેરા લીધા હતા. તેમણે મલયાલી અને બંગાળી એમ બંને રીતિ-રિવાજ મુજબ લગ્ન કરીને પોતાની સંસ્કૃતિનું સન્માન કર્યું હતું. માર્ચ 2025 સુધી મજબૂત સંબંધો હતા. માર્ચ 2025 સુધી બંને વચ્ચે બધું જ સામાન્ય હતું અને મૌની અવારનવાર સૂરજ માટે સોશિયલ મીડિયા પર પ્રેમભર્યા સંદેશાઓ શેર કરતી હતી.

શું આ માત્ર અફવા છે?

હાલમાં સ્થિતિ થોભો અને રાહ જુઓ જેવી છે. મૌની અને સૂરજની જોડી બોલિવૂડની સૌથી લોકપ્રિય જોડીઓમાંથી એક છે, તેથી તેમના ચાહકો ઈચ્છી રહ્યા છે કે આ માત્ર અફવા જ સાબિત થાય અને આ કપલ ફરીથી સાથે જોવા મળે.