(પ્રતિનિધિ દ્વારા) મુંબઇ,તા. 10 ફેબ્રુઆરી 2021, બુધવાર

ટાઇગર શ્રોફની આગામી ફિલ્મ ગણપત છે જેની ઘોષણા  થઇ ચુકી છે. ટાગિર પોતાના પાત્ર માટે અત્યારથી મહેનત કરી રહ્યો છે. આ ફિલ્મ મુંબઇના અંધારી આલમના ગુંડાઓ પર આધારિત છે, જેમાં ટાઇગર પિતાના મૃત્યુનો બદલો લેવાના પ્રયાસ કરે  છે. આ ફિલ્મમાં ક્રિતી સેનોનનું નામ ફાઇનલ થઇ ગયું છે અને હવે અન્ય એક અભિનેત્રીની શોધ થઇ રહી છે. 

ટાઇગર સાથેની આ ફિલ્મમાં ઇલિયાના ડ્રિક્રુઝ, સારા અલી ખાન, ક્રિતી સેનોનના નામ બોલાયા હતા જેમાંથી ક્રિતીને આ ફિલ્મ માટે પસંદ કરી લેવામાં આવી હોવાનું સૂત્રે જણાવ્યું હતું. જેની ઘોષણા જલદી જ કરવામાં આવશે તેવી પણ જાણકારી આપી હતી. 

દિગ્દર્શક વિકાસ બહલની આ ફિલ્મ માટે ઇલિયાના ડિક્રુઝ અને સારા એમ બન્ને અભિનેત્રીઓમાંથી સારા ને તક મળશે એમ લોકો વિચારી રહ્યા છે. 

ટાઇગર અને ક્રિતીએ આ પહેલા હીરોપંતીમાં સાથે કામ કર્યું છે. ટાઇગરની આ ડેબ્યુ ફિલ્મ બતી, જે હિટ રહી હતી. તેમજ દર્શકોને આ જોડી પસંદ પણ પડી હતી. આ પછી બન્નેને છેક હવે ફરી સાથે કામ કરવાની તક મળે છે.