જીવન જીવી જાણીએ

કોઈની ટીકા, ટિપ્પણી કે નિંદા કરવાનું ટાળીએ.

ભૂતકાળ ભૂલી જઈએ. ભવિષ્યની ખબર નથી. વર્તમાનને માણીએ.

દરેક દલીલની સામે જીતવું જરૂરી નથી. મતભેદ સ્વીકારીએ.

મતભેદ થાય પરંતુ મનભેદ ના થાય તેની કાળજી રાખીએ.

બીજાની સાથે સરખામણી કરવાનું છોડીએ.

આપણા સુખ-દુ:ખની પરિસ્થિતિનું કારણ આપણે જ છીએ - મંથન કરીએ.

દરેકને સસ્મિત માફી આપીએ. જતું કરવાની ટેવ પાડીએ.

ગમે તેવી પરિસ્થિતિમાં હિંમત ના હારીએ. ''આ દિવસો પણ ચાલ્યા જશે'' તેવો વિશ્વાસ દ્રઢ કરીએ.

સારા મિત્રોની અપેક્ષા રાખતા હોઈએ તો આપણે સારા મિત્ર બનીએ.

કોઈની ઉન્નતિ જોઈને ઇર્ષ્યા ના કરીએ. તેમની અનુમોદના કરીએ.

સવારે વહેલા જાગવું, ભગવાનને પ્રાર્થના કરવી, તેમનો ઉપકાર માનવો.

ઓછાંમાં ઓછું દસ મિનિટ મૌન પાળવું, એકાંતમાં બેસવું.

ઓછામાં ઓછું વીસ મિનિટ ચાલવાનું રાખવું.

યાદ કરીને જરૂર મુજબ પાણી પીવું.

ધ્યાન, યોગ, પ્રાણાયામ તથા હળવી કસરત કરવી. સ્વાસ્થ્ય જાળવવું.

પુસ્તકો આપણા મિત્રો છે. સારાં પુસ્તકો અચૂક વાંચવાં.

સીત્તેર વર્ષથી મોટા વડીલો સાથે અને સાત વર્ષથી નાના બાળકો સાથે થોડો સમય પસાર કરવો.

ફૂલોની જેમ ખીલતા, મહેકતા રહીએ. જીવનને જીવી જાણીએ.

મનુષ્ય જન્મ સાર્થક કરીએ….

નાથાલાલ બ્રહ્મક્ષત્રિય