Dharmlok
અમૃતવાણી
- આપણને જરૂર છે, ઉત્સાહી મનની, ખીસ્સા તર હોય, પણ મન ખાલીખમ હોય, તો એ શા કામનું ? જ્યાં જરૂર હોય ત્યાં સભર રહેવું. ખાલી ખીસ્સા નહિ, ખાલી મન, ને ખાલી હૃદય, માણસને પાછળ પાડી દે છે.
- વસ્તુ પરિવર્તન કરનાર નહિ, પણ માનસ પરિવર્તન કરનાર વ્યક્તિ મહાન છે.
- સમજણ વગરનું જીવન, ખાંડ વગરની ચા જેવું છે.
- દુ:ખની પછવાડે સુખ આવે, તેવો કુદરતનો ક્રમ છે.
- મૃત્યુ અને જીવન પરમાત્માની લીલા છે.
- 'જેવી દ્રષ્ટિ તેવી સૃષ્ટિ' કમળો થયો હોય તો આખું જગત પીળું દેખાય, આંખો રડતી હોય તો આખું જગત રડતું દેખાય, આનંદમાં રહેતા માણસોને આખી દુનિયા આનંદી દેખાય.
- 'પાપ ન દેખીશ, પારકું નિજ ગુણ દોષ નિહાળ' કરશે તે ફળ પામશે, તું તારૂ સંભાળ.
- હું મને અજાણ્યો લાગું, મારી ઓળખ સૌથી માગુ ભર ઉંઘમાં સુતો તોયે કહેતો સૌને જાગું.
- ધનથી ભૌતિક પદાર્થો ખરીદી શકાય, પણ મનની શાંતિ ખરીદી શકાતી નથી.
- જે કાલના સહારે બેસી રહે છે, તેની કાલ આવતી જ નથી. માટે આજનું કાર્ય આજે જ કરવું કાલ ઉપર રાખવું નહિ.
- કોઈપણ વ્યક્તિની બેઠક કોની સાથે છે તેના ઉપરથી તે માણસનું ચિંતન કેવું હશે તે જાણી શકાય.
- જમાનાના બધા પુણ્યો, જમાનાને મુબારક હો, હું પરખુ મારા પાપને, પ્રભુ મને એવા નયન દેજે.
- ધનજીભાઈ નડીઆપરા
